Колькі складуць «пад’ёмныя» пры перасяленні на новае месца жыхарства і працы ў сельскую мясцовасць, расказалі ў Мінпрацы.
Пад’ёмныя будуць роўныя дзевяціразовай велічыні бюджэту пражытачнага мінімуму, то-бок 4472,64 рубля ў перыяд з 1 лютага да 30 красавіка — пры перасяленні на новае месца жыхарства і працы ў сельскую мясцовасць.
Калі перасяленцы — сямейная пара, то сума падвойваецца.
Каб атрымаць фінансавую падтрымку, неабходна быць афіцыйна зарэгістраваным у службе занятасці як беспрацоўны. Акрамя таго, трэба заключыць трохбаковую дамову з органам працы, занятасці і сацыяльнай абароны і наймальнікам аб пераездзе на новае месца працы.
Атрыманай сумай можна распарадзіцца на ўласнае меркаванне, але варта памятаць: тыя, хто скарыстаўся падтрымкай, абавязаныя адпрацаваць на новым працоўным месцы мінімум адзін год.
Фінансавую дапамогу можна атрымаць толькі адзін раз. Схітраваць не атрымаецца: у Беларусі вядзецца адзіная база такіх работнікаў.
Цяпер чытаюць
Дзе працуюць і як выглядаюць жонкі топ-чыноўнікаў?14
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1010
Каментары