Лукашэнка заявіў, што гэта была яго ідэя — лекаваць параненых расійскіх вайскоўцаў у беларускіх шпіталях
Пра гэта Аляксандр Лукашэнка заявіў на цырымоніі ўручэння дыпломаў доктара навук і атэстатаў прафесара, піша БелТА.
Ён расказаў, што з пачаткам уварвання ва Украіну выступаў за тое, каб беларускія дактары атрымалі практычны досвед працы з такімі цяжкімі выпадкамі. «Я быў прыхільнікам таго, каб нашых дактароў (і не толькі вайсковых) акунуць у тую рэальнасць, якая там адбываецца. А рэальнасць часам жудасная», — сказаў Лукашэнка.
Асобна ён адзначыў ролю беларускіх медыкаў падчас правядзення абменаў палоннымі паміж Расіяй і Украінай, калі параненых накіроўвалі ў медыцынскія ўстановы Беларусі. «Калі пачаліся гэтыя абмены, мы асабліва накіроўвалі іх на поўдзень краіны — у раённыя бальніцы і гомельскую бальніцу. Я тады патрабаваў ад міністра аховы здароўя, каб нашы дактары больш бачылі, што адбываецца», — дадаў ён.
Каментары