Замест бясконцай вайны — інвестыцыі і доступ на рынак ЗША. Так прадставіў эканамічную частку плана Трампа яго спецпрадстаўнік Стыў Уіткаф у Давосе. Гэтыя планы могуць ператварыць Украіну ў глабальны вытворчы хаб.
Спецыяльны прадстаўнік прэзідэнта ЗША Сціў Уіткаф, выступаючы 22 студзеня на «Украінскім сняданку» ў Давосе, заявіў, што бакі як ніколі блізкія да заключэння пагаднення аб спыненні вайны ва Украіне.
Паводле яго слоў, на гэты момант застаецца толькі адно нявырашанае пытанне (імаверна, яно тычыцца кантролю над тэрыторыямі).
Ён адзначыў, што ўчора да позняга вечара ён і іншыя чальцы амерыканскай дэлегацыі правялі ў дыскусіях з украінскай дэлегацыяй. Абмяркоўвалася ў тым ліку аднаўленне ўкраінскай эканомікі. Уіткаф агучыў ідэю Дональда Трампа аб стварэнні паміж Украінай і ЗША зоны свабоднага гандлю без пошлін. На думку амерыканскага боку, гэта кардынальна зменіць сітуацыю, справакуе маштабны прыток прамысловасці ў рэгіён і дасць Украіне велізарную канкурэнтную перавагу на рынку ЗША.
Таксама абмяркоўвалася стварэнне свабоднай эканамічнай зоны ў Данецкай вобласці, хоць статус гэтых тэрыторый застаецца спрэчным: Расія прэтэндуе на ўвесь рэгіён, кантралюючы яго на 70%.
Уіткаф пацвердзіў, што пасля серыі інтэнсіўных дыскусій з украінскай дэлегацыяй ён сёння накіроўваецца ў Маскву на сустрэчу з Уладзімірам Пуціным.
Чакаецца таксама, што сёння ў Швейцарыі можа адбыцца асабістая сустрэча Дональда Трампа і Уладзіміра Зяленскага.
Тым часам Уладзімір Пуцін на пасяджэнні Рады бяспекі Расіі ўпершыню дапусціў магчымасць выкарыстання сродкаў з замарожаных расійскіх актываў для аднаўлення ўкраінскіх тэрыторый, пацярпелых у ходзе баявых дзеянняў. Ён не ўдакладніў, якія менавіта тэрыторыі маюцца на ўвазе, але пацвердзіў гатоўнасць разгледзець гэтае пытанне пасля падпісання мірных пагадненняў.
Цяпер чытаюць
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары
Пры Украіне свабодная ад Закон Права тэрыторыя " гуляй поле" з данэцкім каларытам гопнікаў ціпа блатных
Зараз акупаваная тэрыторыя безладзя дадаем дзікі захад з каларытам ашуканцаў Вітькаф Кушнір яшчэ панікоўскі шура балаганаў Астап бендзер
Расквітнее гэта " зона")))