Палітвязень Вацлаў Арэшка сустрэў за кратамі 71‑ы дзень нараджэння. Калядную паштоўку яму візуальна апісвалі іншыя
18 студзеня дзень народзінаў адзначае палітвязень Вацлаў Арэшка. Сёння яму споўніўся 71 год. Чацвёрты раз палітвязень сустракае дзень народзінаў за кратамі. Арэшку праваабаронцы ўключылі ў спіс палітвязняў з вельмі уразлівым станам здароўя, піша «Свабода».
Арэшка вельмі дрэнна бачыць, у калёніі ў яго таксама абвастрыліся іншыя хваробы. Паводле крыніцы, дасьведчанай у справах палітвязьня, за апошні год зрок у палітвязьня пагоршыўся настолькі, што ён ня можа паўнавартасна чытаць і пісаць, акуляры больш не дапамагаюць. Крыніца кажа, што дрэнны стан здароўя Вацлава Арэшкі адбіваецца на ягоным псыхалягічным стане.
«Сумуе, бо нічога ня бачыць. Здароўе не паляпшаецца, зрок яшчэ горшы, калядную паштоўку яму візуальна апісвалі іншыя, бо ён ня бачыць, што на ёй выяўлена. Калі ён сам піша лісты, то разабраць у іх можна літаральна працэнтаў 20, настолькі нечытэльна», — паведаміла пра Вацлава Арэшку крыніца.
Паводле крыніцы, Вацлаў Арэшка ня скардзіцца на стаўленьне да яго ў калёніі.
Сваякі і сябры палітвязьня спадзяюцца, што ён трапіць у чарговы сьпіс на вызваленьне і наступны дзень народзінаў адзначыць на волі.
Актывіст незалежнага прафсаюзу РЭП, палітоляг, гісторык культуры і грамадзкі дзяяч Вацлаў Арэшка за кратамі з красавіка 2022 году. Суд прызнаў Вацлава Арэшку вінаватым паводле трох артыкулаў Крымінальнага кодэксу ўключна з артыкулам 361‑1 — «стварэньне экстрэмісцкага фармаваньня або ўдзел у ім».
Актывіста асудзілі на 8 гадоў зьняволеньня. Вацлаў Арэшка адбывае пакараньне ў калёніі № 22 у Івацэвічах. Калегі ў кіраўніцтве незалежнымі прафсаюзамі Генадзь Фядыніч, Аляксандр Ярашук і Васіль Берасьнеў, каго затрымлівалі разам з Арэшкам ў межах адной «прафсаюзнай справы», летась выйшлі на волю.
-
Беларусы, якім не ўдалося атрымаць адукацыйныя дакументы на радзіме, могуць паступаць у польскія ВНУ па спецыяльнай працэдуры
-
Беларуска працаўладкавалася ў кандытарскую краму. Але высветлілася, што за наведванне туалета ёй трэба плаціць
-
Караеў ужо набраў на Гродзеншчыне першы ўзвод нядбайных аграрыяў
Каментары