Трамп заявіў, што можа ўвесці мыты супраць краін, якія супраць ягонага захопу Грэнландыі
Прэзідэнт ЗША Дональд Трамп 16 студзеня заявіў, што можа выкарыстаць для атрымання кантролю над Грэнландыяй і сілавыя меры, калі гэта спатрэбіцца, а ўвядзенне мытаў — адна з магчымых опцый.
Паводле слоў Трампа, Грэнландыя мае ключавое значэнне для нацыянальнай бяспекі Амерыкі і бяспекі Арктыкі, дзе, на яго думку, узмацнілася актыўнасць Расіі і Кітая.
Гэтыя заявы прагучалі на фоне візіту двухпартыйнай дэлегацыі Кангрэса ЗША ў Капенгаген, якая спрабуе знізіць напружанасць у адносінах з Даніяй і Грэнландыяй. Раней міністры замежных спраў Даніі і Грэнландыі сустрэліся ў Вашынгтоне з віцэ-прэзідэнтам і дзяржаўным сакратаром ЗША, але паразумення не дасягнулі.
Данія падкрэслівае, што толькі яна і Грэнландыя павінны вырашаць пытанні, што тычацца тэрыторыі, і ў гэтым годзе павялічыла вайсковую прысутнасць на востраве разам з саюзнікамі.
Грэнландыя мае права на аўтаномію ў складзе Даніі з 2009 года. Яна багатая на нявыкарыстаныя карысныя выкапні, што робіць тэрыторыю прывабнай для амерыканскага бізнэсу. Падчас першага тэрміну Трампа вядучыя прадпрымальнікі, уключаючы Джэфа Безаса, Майкла Блумберга і Біла Гейтса, пачалі інвеставаць у развіццё вострава.
Дарадца Трампа: Тэрыторыю Грэнландыі можа кантраляваць толькі той, хто здольны яе абараніць, а Данія занадта слабая для гэтага
«У нас фундаментальнае разыходжанне». Стала вядома, пра што датчане і грэнландцы гаварылі з амерыканцамі ў Белым доме
Прэм'ер Грэнландыі: Калі нас паставяць перад выбарам, мы выберам Данію, а не ЗША
Спецпрадстаўнік ЗША: Данія пасля Другой сусветнай вайны заняла тэрыторыю Грэнландыі ў абыход нормаў ААН
Каментары