Святлана Ціханоўская разам са сваёй камандай плануе пераехаць з Літвы ў Польшчу. Пра гэта паведаміла агенцтва AFP са спасылкай на некалькі чалавек з атачэння дэмакратычнай лідаркі, а таксама на крыніцу ў Міністэрстве замежных спраў Польшчы.
Журналісты AFP нагадваюць, што на гэтым тыдні Ціханоўская сустракалася з прэзідэнтам Польшчы Каралем Наўроцкім у Варшаве.
У кастрычніку мінулага года літоўскія ўлады аб'явілі пра прыняцце рашэння аб зніжэнні ўзроўню аховы Ціханоўскай. Пасля гэтага з’явіліся сумневы, ці застаецца яна жаданай асобай у краіне. Таксама заяўлялася пра ўзмацненне пагрозы з боку беларускіх спецслужбаў.
Пра тое, што рашэнне аб пераездзе Офіса Ціханоўскай у Польшчу ўжо прынята, крыніцы «Нашай Нівы» паведамлялі яшчэ месяц таму, хоць афіцыйна гэта адмаўлялася.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі63
Каментары