Пуцін паскардзіўся Трампу на «спробу» Украіны атакаваць сваю рэзідэнцыю
Памочнік прэзідэнта Расіі Уладзіміра Пуціна Юрый Ушакоў пракаментаваў апошнюю тэлефонную размову свайго начальніка і прэзідэнта ЗША Дональда Трампа. Па яго словах, Пуцін падчас яе пераконваў свайго амерыканскага калегу ў нібыта вераломнасці ўкраінцаў.
Па словах Ушакова, Пуцін падчас тэлефоннай размовы звярнуў увагу Трампа на тое, што «адразу пасля перамоў» у Фларыдзе Украіна нібыта спрабавала атакаваць рэзідэнцыю прэзідэнта РФ:
«Прэзідэнт ЗША быў шакаваны гэтым паведамленнем, у літаральным сэнсе абураны, сказаў, што нават не мог падумаць пра такія вар'яцкія дзеянні».
Ушакоў таксама працытаваў амерыканскага прэзідэнта, які нібыта сказаў, што адміністрацыя ЗША, «дзякуй богу, не давала «тамагаўкі» Кіеву», і паабяцаў памяняць «амерыканскія падыходы ў працы з Зяленскім».
Пуцін, па словах Ушакова, адзначыў, што Расія цяпер перагледзіць сваю пазіцыю і што некаторыя дамоўленасці паміж Трампам і Зяленскім нібыта пакідалі Украіне «поле для інтэрпрэтацый», каб ухіліцца ад узятых на сябе абавязацельстваў.
Пра нібыта спробу начной атакі 91 беспілотнікам на рэзідэнцыю Пуціна ў Наўгародскай вобласці першым паведаміў міністр замежных спраў Расіі Сяргей Лаўроў. Прытым ягоныя даныя пра колькасць беспілотнікаў выразна супярэчылі звесткам, якія раніцай давала Міністэрства абароны Расіі. Прэзідэнт Украіны адразу ж абвергнуў сцвярджэнні Лаўрова, заявіўшы, што гэтай заяваў расіяне «проста рыхтуюць глебу для таго, каб нанесці ўдары па сталіцы [Украіны] і па дзяржаўных будынках».
Трамп «пазітыўна» пагаварыў з Пуціным
«Проста рыхтуюць глебу, каб нанесці ўдары». Зяленскі абвергнуў абвінавачанне ў атацы на пуцінскую рэзідэнцыю
Расія абвінаваціла Украіну ў атацы на рэзідэнцыю Пуціна, пагражае адплатай
Зяленскі: Украіна хоча атрымаць ад ЗША гарантыі бяспекі на 30—50 гадоў, Трамп абяцаў падумаць
Усё, акрамя Данбаса і яшчэ пары пунктаў. Пра што дамовіліся Дональд Трамп і Уладзімір Зяленскі ў Фларыдзе
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1919
Каментары