У драмтэатры з’явілася новая рэжысёрка Аліна Сарокіна. Да гэтага жанчына працавала ў Смаленскім драмтэатры Грыбаедава.
Цяпер Сарокіна рыхтуе навагоднюю пастаноўку «Шчаўкунок» — прэм’ера запланавана на сярэдзіну снежня, піша «Гродзенская праўда». Галоўнага рэжысёра ў драмтэатр шукалі ўжо паўтара года праз сайт вакансій, піша Hrodna.life
Згодна з Linkdin Сарокінай, у нулявых яна чатыры гады працавала памочніцай дэпутата ў расійскай Дзярждуме. Пасля стала менеджаркай па рэкламе. У наступныя гады дзейнасць Сарокінай была звязана ўжо з тэатрам.
Сарокіна скончыла ГІТІС, а пасля ўладкавалася ў Смаленскі тэатр, дзе прапрацавала 10 гадоў. Па словах Сарокінай, пастаноўкі Гродзенскага драмтэатра яна бачыла і раней — спектаклі ёй «вельмі спадабаліся».
Улетку Сарокіна пагутарыла з дырэктарам драмтэатра Вольгай Багдановіч — пасля размовы «вырашыла паспрабаваць сябе» ў рабоце.
У Гродне Сарокіна ўжо некалькі месяцаў — знаёміцца з горадам. У сваіх будучых пастаноўках хоча надаць увагу гісторыі, а таксама адлюстраваць яе так, каб яна была зразумелая гледачу, «улічваючы менталітэт і культурныя асаблівасці».
Першай пастаноўкай Сарокінай у Гродзенскім драмтэатры стане «Шчаўкунок». Прэм’ера запланавана на сёння 13 снежня.
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца4
А што будзе, калі вярнуцца ў Беларусь? Кажуць жа, што рэпрэсіі заканчваюцца
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра1616
Каментары
Дзе кантроль міністэрства культуры за выкананнем кіраўнікамі тэатраў Канстытуцыі Рэспублікі Беларусь і Закона аб дзяржаўнай мове?