Менеджара з холдынга «Амкадор» асудзілі за «садзейнічанне экстрэмізму»
Барыс Хусаінаў займаў кіроўную пасаду ў сэрвіснай структуры буйнога машынабудаўнічага холдынга «Амкадор». Імаверна, ягоны пераслед звязаны са справай Гаюна.
Барысу Хусаінаву 31 год. У 2018 годзе ён закончыў прыватны Інстытут прадпрымальніцкай дзейнасці, атрымаўшы дыплом эканаміста па спецыяльнасці «камерцыйная дзейнасць».
Мужчына працаваў намеснікам начальніка аддзела ў кампаніі «Амкадор-Спецсэрвіс». Гэтае прадпрыемства ўваходзіць у склад нацыяналізаванага цяпер холдынга «Амкадор» і займаецца дыягностыкай, рамонтам і продажам запчастак для пагрузчыкаў і іншай тэхнікі.
Барыс захапляецца аўтамабілямі і падарожжамі.
Прысуд Хусаінаву набыў моц у снежні 2025 года. Яго прызналі вінаватым паводле частак 1 і 2 артыкула 361‑4 Крымінальнага кодэкса («спрыянне экстрэмісцкай дзейнасці»).
Часцей за ўсё паводле гэтага артыкула судзяць за напісанне паведамленняў у бот праекта «Беларускі Гаюн».
Суд прызначыў Барысу Хусаінаву хатнюю хімію.
Мужчыну ўнеслі ў «спіс экстрэмістаў», які вядзе МУС.
«Экстрэмізмам» улады Беларусі лічаць падпіскі на незалежныя каналы, СМІ, наяўнасць спасылак на іх у сацыяльных сетках ці наяўнасць у сацсетках ці на рэчах беларускай нацыянальнай, далукашэнкаўскай сімволікі. Да «экстрэмізму» залічваюць таксама практычна ўсялякую крытыку ўладаў, афіцыйных гістарычных наратываў ці праявы салідарнасці з Украінай.
«Наша Нiва» — бастыён беларушчыны
ПАДТРЫМАЦЬДзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары