Сустрэчу Трампа і Пуціна ў Будапешце адмянілі з-за мемарандума МЗС Расіі
ЗША адмянілі сустрэчу Дональда Трампа з Уладзімірам Пуціным у Будапешце пасля таго, як Расія накіравала Вашынгтону мемарандум, у якім утрымліваліся жорсткія патрабаванні да Украіны, а таксама пасля тэлефоннай размовы дзяржаўнага сакратара ЗША Марка Рубіа і кіраўніка МЗС Расіі Сяргея Лаўрова, піша Financial Times са спасылкай на крыніцы.
Гаворка ідзе пра дакумент, які МЗС Расіі накіраваў Вашынгтону праз некалькі дзён пасля апошняй тэлефоннай размовы Пуціна і Трампа. Мемарандум утрымліваў патрабаванне ліквідаваць «каранныя прычыны» ўварвання ва Украіну, паведамілі тры крыніцы, знаёмыя з сітуацыяй.
Да гэтых прычын адносяцца тэрытарыяльныя ўступкі, рэзкае скарачэнне ўзброеных сіл Украіны і гарантыі таго, што яна ніколі не ўступіць у NATO.
Пасля гэтага адбылася тэлефонная размова паміж Лаўровым і Рубіа. Па яе выніках Рубіа паведаміў Трампу, што Масква не праяўляе гатоўнасці да перамоў, распавяла адна з крыніц, знаёмая з сітуацыяй.
Паводле іншай крыніцы, знаёмага з сітуацыяй, Трамп «не быў уражаны іх пазіцыяй».
Рашэнне адмяніць саміт у Будапешце стала кульмінацыяй чарговага павароту ў палітыцы Белага дома, калі Трамп адмовіўся ад ідэі паставіць ва Украіну ракеты вялікай далёкасці Tomahawk і, як здавалася, заняў больш выгадную для Пуціна пазіцыю.
Праўда, да гэтага часу афіцыйныя асобы ЗША ўжо пачалі адчуваць усё большыя сумненні адносна далейшай выніковасці перамоў з Расіяй, калі Масква не зменіць сваю пазіцыю. У прыватнасці, чыноўнікі Белага дома былі здзіўленыя непрымірымасцю Лаўрова, які падчас кароткай і лаканічнай сустрэчы з Рубіа ў Нью-Ёрку ў верасні рабіў бескампрамісныя заявы, ілжыва сцвярджаючы, што Украіна знаходзіцца пад уладай «нацыстаў».
«Лаўроў відавочна стаміўся і, відаць, лічыць, што ў яго ёсць справы важнейшыя, чым сустракацца або ўзаемадзейнічаць з Злучанымі Штатамі, чаго б ні хацеў прэзідэнт Пуцін», — паведаміла крыніца, знаёмая з сітуацыяй.
Трамп не адмовіўся канчаткова ад ідэі сустрэцца з расійскай дэлегацыяй, калі Крэмль будзе гатовы да прагрэсу ў перамовах аб міры, паведамляе FT са спасылкай на крыніцы.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»20
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары