Скрадзеныя каштоўнасці пакуль што не знойдзеныя.
У Францыі затрымалі трэцяга падазраванага ў рабаванні Луўра, паведаміў тэлеканал BFMTV.
Двое затрыманых па справе аб рабаванні Луўра часткова прызналі віну, заявіла на прэс-канферэнцыі пракурор Парыжа Лор Беко. Пра гэта пішуць Le Figaro і BFMTV.
Абодва затрыманых ужо мелі судзімасці за крадзеж і працавалі ў дастаўцы. Адзін з іх — 34‑гадовы грамадзянін Алжыра, другі — 39‑гадовы ураджэнец французскага горада Абервілье у дэпартаменце Сэн-Дэні.
Скрадзеныя каштоўнасці пакуль што не знойдзены, удакладніла пракурор.
Рабаванне Луўра адбылося 19 кастрычніка. Група злачынцаў пранікла ў Галерэю Апалона — музейнае сховішча каштоўнасцей, дзе выстаўлены каралеўскія рэгаліі. Яны скралі скарбы, якія належалі некалькім французскім манархам і іх жонкам. Паводле папярэдняй ацэнкі, кошт украдзеных упрыгожванняў складае €88 мільёнаў.
Каментары