Кампанія блогера Улада Бумагі выплаціць кампенсацыю пастаўшчыку дадаткаў для чыпсаў
Кампанія беларускага блогера Улада Бумагі (Улад А4) «Бумажная бумага», якая займаецца вытворчасцю чыпсаў, павінна выплаціць паводле міравога пагаднення крыху больш за 42 тысячы еўра вытворцу харчовых інгрэдыентаў «Сімрайз Рогава». Пра гэта піша РІА Навіны са спасылкай на судовыя дакументы.
Арбітражны суд Масквы зацвердзіў міравое пагадненне ў справе па іску ТАА «Сімрайз Рогава» да ТАА «Бумажная бумага» аб спагнанні каля 47 тыс. еўра страт.
Па словах адваката Наталлі Пыннікавай, якая прадстаўляе пазоўшчыка, вырабленыя «Сімрайзам» па замове кампаніі блогера харчовыя дабаўкі для чыпсаў на такую суму адказчык адмовіўся забраць і аплаціць. Яна таксама ўдакладніла, што ў міравым пагадненні пазоўшчык пагадзіўся даць адказчыку зніжку 10 %. У выніку доўг «Бумажная бумага» будзе пагашацца чатырма роўнымі плацяжамі з лістапада 2025‑га па май 2026 года.
У ТАА «Бумажная бумага» 45 % належыць блогеру праз кіпрскую A4Group Limited, астатнія долі пароўну падзелены паміж Віталіусам Паўлюсам і Аляксеем Клачковым — па 27,5 %. Кампанія вырабляе бульбяныя чыпсы пад брэндам Lava-Lava.
Раней стала вядома, што расійскі бізнэс беларускага блогера Улада Бумагі па вытворчасці снекаў закончыў мінулы год з вялізнымі стратамі. Прычынай называлі непрадуманыя выдаткі на прасоўванне. «Бумажная бумага» збіраецца звярнуцца ў суд з мэтай прызнання сябе банкрутам.
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?8
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары