Кіраўніцу аддзела продажаў сеткі крамаў ОМА асудзілі за «садзейнічанне экстрэмісцкай дзейнасці»
Марына Куляшова працавала менеджарам і айцішніцай-тэсціроўшчыцай. Але яе затрымалі і асудзілі — магчыма, яна трапіла пад аблаву па справе Гаюна.
Марыне Куляшовай 42 гады. Яна мінчанка. Пасля школы скончыла Беларускі дзяржаўны эканамічны ўніверсітэт па спецыяльнасці «Менеджмент. Дзяржаўнае і муніцыпальнае кіраванне».
Марына доўгі час працавала ў продажах і ў менеджменце. З 2007 па 2015 гады Куляшова была начальнікам аддзела ў «Белсталі» — гэта бізнэс, які вырабляе тэхнічнае абсталяванне і рэчы са шкла і металу. Пасля стала кіраўніком аддзела ў кампаніі, якія займаецца імпартам будаўнічных матэрыялаў. З 2017 года кіравала аддзелам продажаў у кампаніі «Арцізан», якая робіць вырабы са шкла. А з 2018 па 2022 была менеджарам у кампаніі «Дэка Плюс», дзе кіравала буйнымі праектамі, уключаючы запуск салона-крамы і будаўніцтва вытворча-складскіх комплексаў.
Пасля Куляшова вырашыла ўвайсці ў IT-сферу і прайшла прафесійнае навучанне па функцыянальным тэсціраванні. З кастрычніка 2022 па сакавік 2023 года яна працавала тэсціроўшчыцай у кампаніі a1qa.
Але ў красавіку 2023 года Марына вярнулася да сферы продажаў і кіравання на пасаду кіраўніка аддзела продажаў у кампаніі «ОМА», якая кіруе сеткай аднайменных крамаў у Мінску.
Марыну Куляшову асудзілі ў 2025 годзе па абвінавачанні ў «садзейнічанні экстрэмісцкай дзейнасці». Па часе яе пераслед супадае з хваляй асуджаных па справе Гаюна, але дакладная сутнасць абвінавачанняў невядомая.
Марыне прысудзілі хатнюю хімію.
«Наша Нiва» — бастыён беларушчыны
ПАДТРЫМАЦЬ
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары