У Мёрскім раёне лекцыі пра сямейныя каштоўнасці мясцовыя начальнікі чыталі пенсіянерам ФОТЫ
У планах любых ідэолагаў і кіраўнікоў стаіць рэгулярнае правядзенне «дзён інфармавання» насельніцтва на актуальныя тэмы. У Мёрскім раёне старшыня мясцовага райвыканкама Аляксандр Ярахновіч выбраўся ў Завуццеўскі сельсавет, каб там правесці гутарку, прысвечаную «ролі сямейных каштоўнасцяў у сучасным грамадстве».
«Беларусь — сацыяльна арыентаваная дзяржава. У нас вялікая ўвага надаецца ўмацаванню статусу сям'і, падтрымцы мацярынства, бацькоўства і дзяцінства», — расказваў Аляксандр Ярахновіч.
На прыкладзеных да справаздачы фота відаць, што асновай ягонай аўдыторыі былі людзі ці перадпенсійнага, ці ўжо глыбока пенсійнага ўзросту.
У вёсках Восцевічы і Малінаўка ў гэты самы час ідэалагічна шчыраваў перад падобнай аўдыторыяй старшыня раённага савета дэпутатаў Валерый Драба.
Каментары