Паводле інфармацыі выдання Politico, сацыяльная сетка TikTok выдаліла некалькі дзясяткаў акаўнтаў, якія падазраюцца ў распаўсюджанні крамлёўскай прапаганды падчас парламенцкіх выбараў у Чэхіі, што пачаліся 3 кастрычніка.
Даследчыкі з праекту Online Risk Labs выявілі амаль 300 акаўнтаў з аўдыторыяй да 9 мільёнаў праглядаў на тыдзень. Іх кантэнт праслаўляў Уладзіміра Пуціна, апраўдваў расійскую агрэсію ва Украіне і дэманстраваў «моц» расійскай арміі. Частка фэйкавых старонак маскіравалася пад чэшскіх палітыкаў.
TikTok паведаміў, што 98,5% забароненага кантэнту было прыбрана яшчэ да шырокага распаўсюджання інфармацыі, а таксама ліквідавана 46 акаўнтаў, якія выдавалі сябе за афіцыйных асобаў.
У Чэхіі TikTok мае каля 2,5 мільёнаў карыстальнікаў. У парламенцкіх выбарах могуць удзельнічаць больш за 8 мільёнаў грамадзян.
Выбары ў Чэхіі праходзяць 3—4 кастрычніка. Згодна з апытаннямі, найбольшай падтрымкай карыстаецца партыя ANO мільярдэра і былога прэм'ер-міністра Андрэя Бабіша (каля 29%), на другім месцы — кааліцыя прэм’ера Пятра Фіялы «Разам» (20,5%), трэцяе месца займае крайне правая партыя «Свабода і прамая дэмакратыя» Томіа Акамуры з 13%.
Цяпер чытаюць
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары
Без причин - тоже!!!
Беларускую мову лічыць за ругацельства!