ГУР узяў адказнасць за выбухі пад Уладзівастокам: называюць гэта помстай вайскоўцам РФ, якія ўдзельнічалі ў забойствах палонных украінцаў
Галоўнае ўпраўленне разведкі Мінабароны Украіны здзейсніла выбухі ў месцы дыслакацыі ва Уладзівастоку расійскіх вайскоўцаў, якія маюць дачыненне да ваенных злачынстваў на тэрыторыі Украіны, паведаміў суразмоўца «Украінскай праўды» ў вайсковай разведцы.
Байцы ГУР правялі адмысловую аперацыю ў раёне пасёлка Шчытавая ў Прыморскім краі РФ, дзе дыслакуецца 47-й асобны дэсантна-штурмавы батальён 155-й асобнай гвардзейскай брыгады марской пяхоты, які ўдзельнічаў у баявых дзеяннях пад Кіевам.
Расійская 155-я брыгада вызначылася асаблівай жорсткасцю ў адносінах да мясцовага насельніцтва і забівала ўкраінскіх палонных, паведамляе ГУР.
У 9 гадзін раніцы ў аўторак па мясцовым часе на паркоўцы вайсковай часці адбыўся магутны выбух, а потым яшчэ адзін. На месца выбухаў прыбылі шмат тэхнікі, супрацоўнікі спецслужбаў і верталёт. Пры ўездзе ў пасёлак быў ачэплены раён паблізу ад адміністрацыйных будынкаў і аўтастаянак.
Рух транспарту ў раёне часткова перакрылі, сілавікі правяраюць усе аўтамабілі. Прычынай выбухаў называюць нібыта «інцыдэнт з газавым абсталяваннем».
У выніку спецаперацыі ГУР ва Уладзівастоку, паводле слоў крыніцы, ёсць загінулыя і параненыя.
Цяпер чытаюць
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й2
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары