Джазавую спявачку і кіраўніцу вакальнай студыі асудзілі па палітычным артыкуле
Сярод вучняў Веранікі Яноўскай — лаўрэаты міжнародных і беларускіх фестываляў.
Вераніцы Яноўскай з Мінска 40 гадоў. Жанчына замужам, гадуе двух непаўналетніх дзяцей.
У 2004-м Вераніка скончыла Мінскую дзяржаўную музычную вучэльню імя Глінкі. У 2009-м — Беларускую дзяржаўную акадэмію музыкі з адзнакай.
Вераніка спявае ў стылі джаз. З 2011 па 2017 гады яна выкладала ў Мінскім дзяржаўным музычным каледжы імя Глінкі. А ў 2014-м годзе адкрыла ўласную мастацкую школу пад назвай «Артвакал» і стала сузаснавальніцай ансамблю «Па-Дзея».
Сярод яе вучняў — лаўрэаты і дыпламанты міжнародных і беларускіх фестываляў, студэнты музычных навучальных устаноў не толькі Беларусі, але і краін Еўрасаюза і ЗША.
Яна запрошаны выкладчык Беларускага дзяржаўнага ўніверсітэта культуры і мастацтваў. Вераніку Яноўскую рэгулярна запрашаюць у журы розных міжнародных конкурсаў.
Жанчыну асудзілі ў сярэдзіне 2025 года. Вераніцы Яноўскай прысудзілі хатнюю хімію за ўдзел у пратэстах.
«Наша Нiва» — бастыён беларушчыны
ПАДТРЫМАЦЬ
Каментары