Маладой дзяўчыне з Баранавіч прысудзілі калонію за ўдзел у раённым чаце. Яе тэлеграм быў неабароненым
Малалікі і неактыўны чат, у якім пісала Вольга Нікалаева, абвясцілі «экстрэмісцкім фарміраваннем».
Вользе Нікалаевай 32 гады. Яна з Баранавічаў. Пасля вучобы ва ўніверсітэце ў Мінску вярнулася ў родны горад. У дзяўчыны ёсць муж і дружная сям'я.
Дзяўчына займалася музыкай і раней была бубначкай у аматарскіх музычных гуртах. Сям'ёй яны падарожнічаюць па Беларусі і іншых краінах.
Вольгу Нікалаеву затрымалі ў лістападзе 2024 года, а асудзілі ў сярэдзіне 2025-га. Мяркуючы па спісе «экстрэмістаў» МУС, яе асудзілі па двух артыкулах — «стварэнне экстрэмісцкага фарміравання» (ч. 1 арт. 361-1 КК) і «ўдзел у дзеяннях, якія груба парушаюць грамадскі парадак» (ч. 1 арт. 342 КК).
Вядома, што Вользе прысудзілі тэрмін у калоніі. Ёй пагражала да сямі гадоў, але дакладны прысуд невядомы.
КДБ абвесціў чат «Белыя крылы Баранавічы» — зусім малы і даўно неактыўны раённы чат — экстрэмісцкім фарміраваннем увосень 2024 года. Вольга, падобна, была сярод мадэратараў у чаце. Праўда, адміністратар можа зрабіць мадэратарам любога ўдзельніка нават без ягонай просьбы.
Выйшлі на Вольгу праз неабаронены акаўнт. Ён быў прывязаны да ўласнага нумара дзяўчыны і прабіваецца праз боты, якімі карыстаюцца губазікаўцы.
«Наша Нiва» — бастыён беларушчыны
ПАДТРЫМАЦЬ
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары
[Зрэдагавана]