Паводле інфармацыі венгерскага выдання Telex, у справе аб шпіёнскай сетцы беларускага КДБ, акрамя былога высокапастаўленага супрацоўніка спецслужбаў Малдовы Аляксандра Балана і беларускага дыпламата ў Чэхіі, фігуруе яшчэ адзін беларус, які жыве ў Польшчы. Ён працуе таксістам і жыве недзе недалёка ад мяжы з Беларуссю, піша Reform.news.
Як паведамляюць венгерскія журналісты, у ходзе міжнароднай кантрразведвальнай аперацыі спецыялісты выявілі гэтага чалавека:
«Па нашых даных, у ходзе міжнароднай контрразведвальнай аперацыі ў поле зроку спецслужбаў трапіў таксама іншы мужчына-беларус, які жыве ў Польшчы. Гэты мужчына, які жыве ў раёне польска-беларускай мяжы, працуе таксістам і з'яўляецца членам беларускай апазіцыі», — гаворыцца ў матэрыяле Telex.
Выйсці на гэтага беларуса спецслужбам удалося дзякуючы кантактам з беларускімі разведчыкамі, з якімі сустрэчы праводзіў былы намеснік кіраўніка спецслужбаў Малдовы Аляксандр Балан у Будапешце. Прычым гэтыя сустрэчы адбываліся яшчэ на пачатку года.
Расследаванне праводзілася пад эгідай EUROJUST пры ўдзеле спецслужбаў Румыніі, Венгрыі і Чэхіі, а таксама пры падтрымцы пракурораў гэтых краін і Малдовы. У Румыніі быў затрыманы былы кіраўнік Службы інфармацыі і бяспекі Малдовы Аляксандр Балан, а з Чэхіі высылаюць афіцэра КДБ Беларусі, які працаваў пад дыпламатычным прыкрыццём.
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак11
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1515
Каментары