Стала вядома імя былога малдаўскага спецслужбіста, якога затрымалі за шпіянаж на карысць Беларусі
Былога намесніка дырэктара Службы інфармацыі і бяспекі (СІБ) Малдовы, затрымалі 8 верасня ў Румыніі. Паводле даных G4Media, яго падазраюць у дзяржаўнай здрадзе — перадачы сакрэтных звестак афіцэрам спецслужбаў Беларусі. Завуць гэтага чалавека Аляксандр Балан, піша zdg.md.
Аляксандру Балану 47 гадоў. Ён займаў кіраўнічую пасаду ў СІБ і быў прызначаны намеснікам дырэктара ў 2016 годзе дэкрэтам тагачаснага прэзідэнта Нікалае Цімофці. Той жа Цімофці ў свой час узнагародзіў Балана дзяржаўнай адзнакай.
Балан вядомы сваёй актыўнасцю ў фэйсбуку, дзе часта крытыкаваў дзейнасць цяперашняга кіраўніка СІБ Аляксандра Мусцяцы і заклікаў да рэформы спецслужбы. У чэрвені Балан звярнуўся публічна да прэзідэнткі Маі Санду і спікера Ігара Гросу, сцвярджаючы, што СІБ перажывае «глыбокі крызіс», церпячы ад некампетэнтнага кіраўніцтва і карупцыі на высокім узроўні.
Ён таксама прыводзіў прыклады, што кіраўніцтва эканамічнай бяспекай даручылі чалавеку без адпаведнай адукацыі, а шэраг афіцэраў быў адхілены ад працы праз абвінавачанні ў карупцыі і злоўжываннях. Балан патрабаваў тэрміновага аўдыту і «ачышчэння» структуры.
У 2023 годзе пра яго паведамлялі ў СМІ ў сувязі з дарожным інцыдэнтам: нібыта ён, знаходзячыся ў нецвярозым стане, пашкодзіў некалькі машын. Пасля гэтага Балан пагражаў журналістам тэлеканала TV8 судом, сцвярджаючы, што гэта кампанія па дыскрэдытацыі.
Цяпер СІБ Малдовы пацвердзіў, што іх былы супрацоўнік сапраўды быў затрыманы ў Румыніі і дастаўлены ў Бухарэст для допытаў.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары