Зборная Беларусі па футболе пачала адбор на чэмпіянат свету з грандыёзнага правалу
У першым матчы групы C беларуская зборная прайграла ў Пірэі камандзе Грэцыі з лікам 1:5.
Ужо ў першым тайме гаспадары ажно чатыры разы забілі галы ў вароты Паўла Паўлючэнка. Пасля перапынку яны адзначыліся яшчэ раз, а Герман Баркоўскі толькі здолеў з пенальці адыграць адзін гол.
У іншым сённяшнім матчы групы C зборная Даніі ў Капенгагене згуляла ўнічыю з Шатландыяй — 0:0.
У другім туры турніру 8 верасня беларусы «дома» (гульня пройдзе ў венгерскім Залаэгерсегу) прымуць Шатландыю, а Грэцыя сустрэнецца з Даніяй у Пірэі.
Чэмпіянат свету 2026 года ўпершыню ў гісторыі пройдзе адразу ў трох краінах — ЗША, Мексіцы і Канадзе, і ўпершыню ў фінале будуць удзельнічаць 48 каманд замест ранейшых 32.
Пераможцы 12 адборачных еўрапейскіх груп выйдуць на чэмпіянат свету напрамую. Каманды ж, якія зоймуць другія месцы, будуць гуляць у стыкавых матчах.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»37
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары