У сталіцы вынесены чарговы прысуд па справе аб жорсткім абыходжанні з жывёламі. Жыхар сталіцы атрымаў пакаранне за забойства двух катоў, паведамілі ў Мінскім гарадскім судзе.
У лістападзе 2024 года мужчына знаходзіўся ў кватэры на вуліцы Якубоўскага. У пэўны момант ён надзеў на шыю ката пароды сфінкс пятлю з рамяня і павесіў жывёлу на трубе, размешчанай каля сцяны і столі. Пасля гэтага ён кінуў у сцяну безпароднага ката, а затым выкінуў абедзвюх жывёл з пятага паверха. Каты загінулі.
Акрамя таго, у студзені абвінавачаны здзейсніў крадзеж у адным з дамоў па вуліцы Шаранговіча.
Па сукупнасці злачынстваў, шляхам паглынання менш строгага пакарання больш строгім, мужчыну прыгаварылі да трох гадоў калоніі. Апеляцыйная скарга судом пакінута без задавальнення.
Цяпер чытаюць
Латушка абвяргае абвінавачанні ў харасмэнце ад дэлегаткі КР Карпушонак80
Каментары