У Дзятлаўскім раёне дзевяцікласніца выратавала з вады дзевяцігадовую дзяўчынку
Інцыдэнт адбыўся на возеры Банскае ў Казлоўшчыне, паведамляе МНС.
Скрыншот відэа МНС
Прагульваючыся ўздоўж дамбы возеры, 9-гадовая дзяўчынка спатыкнулася і ўпала ў ваду. На крыкі аб дапамозе адгукнулася Вікторыя Куніцкая, што праходзіла побач, якая дапамагла дзіцяці выбрацца на бераг.
«Я гуляла ўздоўж возера, да мяне падбегла дзяўчынка і сказала, што яе сяброўка тоне. Мы адразу пабеглі, я кінулася ў ваду. Бачу, што яе галава ўжо пайшла пад ваду, я бяру яе пад рукі і цягну да парэнчаў, так мне прасцей было. Я выцягнула яе, дзяўчынка кашляла, потым перастала, усё нармальна стала. Я калі кінулася ў ваду, спачатку нічога не адчувала, а потым стала не па сабе, стала страшна за тое, што адбылося», — расказала Вікторыя.
Цяпер чытаюць
Латушка абвяргае абвінавачанні ў харасмэнце ад дэлегаткі КР Карпушонак80
Каментары