«Гэта быў беспрэцэдэнтны акт супраць нашага народа». Аліеў упершыню пракаментаваў забойства азербайджанцаў расійскімі сілавікамі
Прэзідэнт Азербайджана Ільхам Аліеў упершыню асабіста пракаментаваў рэйды супраць азербайджанцаў у Расіі і гібель двух чалавек. Ён таксама згадаў пра збіццё расіянамі азербайджанскага лайнера, назваў акупацыяй уваход Азербайджана ў СССР у 1920 годзе, канстатаваў пагаршэнне адносін з Расіяй, падкрэсліўшы, што гэта не віна азербайджанскага боку.
У інтэрв’ю тэлеканалу «Аль-Арабія» Аліеў упершыню пракаментаваў забойства азербайджанцаў у Расіі.
«Два чалавекі былі падвергнуты катаванням і забіты. А затым у афіцыйнай інфармацыі гаварылася, што яны памерлі ад сардэчнага прыступу. Нават калі яны, як кажуць, учынілі злачынства 20 гадоў таму, гэта ж людзі. З імі нельга так абыходзіцца. Што гэта за стаўленне? Сярод іх былі грамадзяне Азербайджана і грамадзяне Расіі азербайджанскага паходжання. Гэта быў беспрэцэдэнтны акт супраць нашага народа», — сказаў Аліеў.
Ён заявіў, што Азербайджан не нясе адказнасці за пагаршэнне адносін з Расіяй. Аліеў патлумачыў, што адносіны пагоршыліся пасля авіякатастрофы самалёта AzAl, збітым расійскай СПА ў снежні 2024 года ў Актаў. Паводле Аліева, расійская рэакцыя на трагедыю выклікала «вялізарнае расчараванне і незадаволенасць» у Азербайджане.
Ён параўнаў сітуацыю са знішчэннем азербайджанскімі вайскоўцамі расійскага верталёта Мі-24 у 2020 годзе. «Неадкладна, у той жа дзень, я патэлефанаваў прэзідэнту Расіі і папрасіў прабачэння. Мы неадкладна выплацілі кампенсацыю сем’ям загінулых пілотаў і міністэрству абароны. Мы пачалі расследаванне, і тыя, хто дапусціў гэтую трагічную памылку, былі прыцягнуты да адказнасці. Нічога падобнага з боку Расіі мы не ўбачылі», — сказаў ён, дадаўшы, што ў Расіі «дагэтуль не кажуць, што адбылося».
«Мы адказваем канструктыўна і законна, але ніколі не пацярпім ніякіх прыкмет ці праяў агрэсіі ці непавагі да нас», — сказаў ён.
Таксама Аліеў заявіў пра акупацыю расіянамі Азербайджана.
«Пасля распаду Расійскай імперыі ў 1917 годзе была ўтворана Азербайджанская Дэмакратычная Рэспубліка. Гэта была першая дэмакратычная рэспубліка ў мусульманскім свеце, заснаваная ў маі 1918 года. Яна праіснавала да красавіка 1920 года, калі расійскае войска ўварвалася ў Азербайджан і акупавала краіну. Бальшавікі, якія здзейснілі рэвалюцыю 1917 года, падманулі народ. Іх лозунгамі былі: «Фабрыкі і заводы — рабочым, зямля — сялянам, свабода — народам». Мы стварылі сваю ўласную дзяржаву. Але бальшавікі забралі яе ў нас. У красавіку 1920 года расійскае войска ўварвалася ў Азербайджан і акупавала яго», — сказаў Аліеў.
Акрамя таго, Аліеў пацвердзіў, што Азербайджан падтрымлівае тэрытарыяльную цэласнасць Украіны і назваў вайну ў краіне расійскім «уварваннем».
Расійскія сілавікі адрэзалі геніталіі азербайджанцам, закатаваным да смерці падчас рэйду ў Екацярынбургу
У Расіі аб'явілі «замежным агентам» праўладнага палітолага Маркава
Расія наносіць удары па азербайджанскіх нафтагазавых аб'ектах ва Украіне
Азербайджанскія СМІ паведамілі пра затрыманне ў Баку дзвюх АЗГ, што складаліся з расіянаў
Чаму зноў сапсаваліся адносіны паміж Расіяй і Азербайджанам. З'яўляюцца дэталі справы
Ціханоўская: Дзеці не пераехалі ў ЗША, а проста часова будуць з татам дзеля бяспекі39
Каментары
Масква спрабавала забраць і Фінляндыю(1939), што ёй часткова ўдалося зрабіць, і краіны Балтыі(1940), якія яна ў выніку акупавала, толькі пазьней.
Цяперашняя вайна Расеі супраць Украіны гэта ўжо такая самая спроба забраць тэрыторыі, але савецкай імперыі, пераемніцы імперыі Раманавых.