Дырэктарцы турфірмы, якая ўзяла грошы ў 48 кліентаў і на тры гады з’ехала за мяжу, вынеслі прысуд
Сёлета яе экстрадавалі з Расіі.
Мінчанка працавала ў сферы турызму з 2013 года, але ў 2019 годзе ў кампаніі ўзніклі цяжкасці, і для пакупнікоў тураў пачалі з’яўляцца нечаканыя даплаты — за візы, трансфер, але цэны ўсё роўна заставаліся прывабнымі. «Пуцёўкі былі таннейшыя, чым у іншых кампаній», — расказвалі пацярпелыя кліенты.
Высветлілася, што жанчына атрымала ад 48 пацярпелых больш за 240 тысяч рублёў і з’ехала за мяжу. Праз тры гады з’явілася інфармацыя, што мінчанка знаходзіцца на тэрыторыі Расіі.
Як паведамілі Onlíner пацярпелыя турысты, жанчыну прызналі вінаватай у махлярстве, здзейсненым у асабліва буйным памеры (ч. 4 арт. 209 КК), і далі ёй 6 гадоў пазбаўлення волі са штрафам у 350 базавых велічынь (гэта 14,7 тысячы рублёў).
Цяпер чытаюць
«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў1
Каментары