Беларускія мытнікі адказалі на скаргі адносна доўгага афармлення на мяжы
Дзяржаўны мытны камітэт пракаментаваў скаргі, якія з’явіліся ў сацсетках адносна доўгага чакання на мяжы. Паводле іх слоў, беларускія мытнікі робяць усё магчымае, каб паскорыць працэс, але ім перашкаджае «нерытмічная» праца службаў сумежных дзяржаў.
У ДМК сцвярджаюць, што некаторыя людзі, асабліва з суседніх краін, нібыта наўмысна распаўсюджваюць хлуслівую інфармацыю ў тэлеграм-чатах, каб стварыць напружанасць.
У якасці прыкладу прыводзіцца нейкі жыхар Літвы, які нібыта чакаў суткі на КПП «Каменны Лог», але, як сцвярджаюць мытнікі, ён наогул туды не заязджаў апошнія два месяцы — толькі адзін раз перасякаў мяжу ў «Беняконях», дзе праходжанне мяжы заняло крыху больш за гадзіну.
Сярэдні час праходжання ўсіх кантроляў у «Каменным Логу» для легкавых аўто, паводле слоў беларускіх мытнікаў, складае да 2,5 гадзіны, а па «зялёным» калідоры — 15—20 хвілін.
Мытня працуе ва ўзмоцненым рэжыме і адзначае, што нядаўна спыніла спробы ўвезці буйныя партыі наркотыкаў.
Калі ў грамадзян узнікаюць праблемы ці пытанні на мяжы, ім раяць звяртацца праз афіцыйны сайт обращения.бел.
Што да чэргаў, то па стане на 22.00 16 ліпеня вялікая чарга была толькі ў «Брэсце» (490 легкавых машын), а ў «Каменным Логу», «Беняконях» і «Грыгораўшчыне» чэргаў не было.
Складаная сітуацыя з фурамі — у «Грыгораўшчыне» стаіць 655, у «Каменным Логу» — 570, у «Беняконях» — 510. Толькі ў «Казловічах» ніякай чаргі няма.
У Брэсце зафіксаваная чарга з 35 аўтобусаў.
«Такая праца дыскрэдытуе бязвізавы рэжым». Беларусы сцвярджаюць, што праца беларускіх мытнікаў ганебная для краіны
«Адзін глядзеў тэлефон, другі размаўляў, а трэці ў баку назіраў». Як цяпер праводзяць допыты на мяжы Беларусі з ЕС
Расіянку затрымалі ў мінскім аэрапорце з ювелірнымі вырабамі і адзеннем сусветных брэндаў на 488 тысяч рублёў
Каментары