Лінейку айчынных планшэтаў маюць намер выпусціць да канца 2025 года.
Холдынг «Гарызонт» запускае вытворчасць беларускіх планшэтаў. Пра гэта расказаў намеснік кіраўніка дэпартамента прасоўвання і продажу ААТ «МВАВТ» (уваходзіць у склад холдынгу) Аляксандр Янкоўскі.
«Да канца года плануем выпусціць лінейку планшэтаў. Гэта будуць 10-цалевыя планшэты ў розных каляровых рашэннях — залатыя, сярэбраныя, графітавыя. Планшэты будуць на базе Android. Пашыраем мадэльны шэраг — будзем вырабляць планшэты, абароненыя ад знешніх механічных уздзеянняў, таму яны будуць цікавыя розным спецыялістам. Разлічваем у тым ліку на расійскі рынак», — сказаў Аляксандр Янкоўскі.
У 2022 годзе «Гарызонт» прадставіў свой першы ноўтбук пад назвай H-book MAK4, які быў пазіцыянаваны як «айчынная распрацоўка». Падчас прэзентацыі 1 верасня 2022 года Аляксандр Лукашэнка прадэманстраваў яго, адзначыўшы, што на той момант у ім было каля 12% беларускіх кампанентаў, з планамі павялічыць гэтую долю да 30% да канца года. Аднак эксперты, апытаныя «Нашай Нівай», выказалі сумневы адносна гэтых лічбаў, мяркуючы, што беларуская частка можа абмяжоўвацца толькі такімі элементамі, як гумовыя ножкі або налепка з лагатыпам «Н».
-
Пры ўзвядзенні дома ў Мінску будаўнікі замянілі керамзітабетон на «гіпсакардон». Людзі забілі трывогу
-
«Зладзілі маленькі Кітай». Што вядома пра новую вытворчасць халадзільнікаў у Баранавічах
-
«Галоўная крыніца выдаткаў — гэта часта адносіны». Айцішнік расказаў, як за тры гады купіў кватэру ў Тбілісі з заробку
Каментары