Невядомыя называюцца журналістамі жоўтай прэсы і пішуць беларусам з прапановай уступіць у каманду Сяргея Ціханоўскага
Невядомыя пішуць беларусам, прадстаўляючыся журналістамі, і прапануюць уступіць у каманду Сяргея Ціханоўскага. А потым перадаваць ім «інсайдарскую» інфармацыю. Пра гэта распавялі ў прэс-службе офіса Святланы Ціханоўскай, піша «Люстэрка».
Верагодна, такім чынам сілавікі хочуць высветліць, што будзе рабіць блогер і хто далучыцца да яго. Як паведамілі ў офісе, прапанова прыходзіць у Telegram з акаўнта @aktopiks. Адтуль людзей перанакіроўваюць на рахунак @aleksjon2.
Невядомы прадстаўляецца «папулярным скандальным журналістам жоўтай прэсы», які працуе на шэраг еўрапейскіх выданняў як пазаштатны журналіст. Ён сцвярджае, што збірае інсайды і піша «бамбічныя артыкулы» для медыя ў Германіі, Вялікабрытаніі, Францыі і ЗША.
«Папулярны журналіст» вельмі цікавіцца Сяргеем Ціханоўскім і запэўнівае, што «навіны з ім яшчэ будуць папулярныя некалькі гадоў». А так як ён хоча» першым пісаць бамбічныя артыкулы», патрэбны чалавек побач з блогерам.
— Мы б хацелі, каб ты трапіў у яго каманду, — прапануе невядомы. — Мы табе будзем плаціць за гэта. Нам галоўнае пісаць пра яго рэзкія навіны і мець магчымасць браць інтэрв'ю аднымі з першых. Наша мэта — каб пра яго казала ўся Еўропа, мы максімальна стараемся прынізіць Расію і Беларусь на сусветнай арэне, таму што яны толькі ствараюць пагрозу сваім тэрорам!
Падобныя паведамленні ў прэс-службе назвалі правакацыяй. А таксама заклікалі быць асцярожнымі, бо могуць прадпрымацца новыя спробы выкарыстоўваць людзей.
Нагадаем, 1 ліпеня Сяргей Ціханоўскі заявіў, што набірае каманду і хоча аб'яднаць сілы для нанясення «магутнага ўдару па лукашызму». Ён прапанаваў ахвотным далучыцца запоўніць анлайн-заяўку па спасылцы, якая апублікаваная пад ролікам на YouTube-канале «краіна для жыцця». Па словах блогера,»усё роўна, у якім горадзе ці краіне вы жывяце, працы хопіць усім».
Беларускага Сінюю Бараду адпусцілі з расійскай турмы паміраць дома6
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары