Сёлета віленскі Беларускі клуб «Сябрына» чарговы раз адзначае Купалле на беразе Віліі і запрашае далучыцца да святкавання ўсіх ахвотных.
Традыцыя святкавання беларусамі Вільні Купальскага свята на беразе Віліі, якая працякае праз горад, была заснаваная яшчэ ў 1911 годзе і адноўленая «Сябрынай» у 2013-м.
Сёлета гасцей святкавання чакаюць:
- выступы гуртоў і калектываў «Беларускі Цуд», «Ойра»;
- пляценне вянкоў;
- пошукі папараць-кветкі;
- беларускія народныя танцы;
- купальскі крупнік;
- распальванне вогнішча старадаўнім спосабам.
Святкаванне адбудзецца 28 чэрвеня, пачатак — у 17.00. Удзел бескаштоўны. Месца — за другім пляжам у Валакумпях (Valakampiai).
Рэкамендуецца сачыць за надвор'ем у дзень свята, а таксама захапіць з сабой коўдру і стравы для пікніка.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары