Магіла акадэміка Карскага ў Пецярбургу ўся зарасла баршчэўнікам ФОТАФАКТ
Вядомы навуковец, загадчык аддзела Расійскай нацыянальнай бібліятэкі і адзін з найбольш актыўных дзеячаў беларускай дыяспары ў Санкт-Пецярбургу Мікалай Нікалаеў апублікаваў у фэйсбуку фота, зробленае на магіле акадэміка Яўхіма Карскага, што на пецярбургскіх Смаленскіх могілках.
«Пасля канферэнцыі [«Санкт-Пецярбург і беларуская культура»] паехалі на Смаленскія могілкі, пакласці кветкі акадэміку Карскаму. Кругом усё так зарасло баршчэўнікам, што не відаць помніка — толькі вяршыня крыжа. Баязлівыя ўдзельнікі цырымоніі не дазволілі мне і Міколу Сакалову парэзаць баршчэўнік — праўда, мы некалькі каліў паламалі нагамі і парасонамі і кветкі да помніка ўсё ж паклалі», — напісаў Мікалай Нікалаеў.
Акадэмік Яўхім Карскі (1861—1931) — лінгвіст, этнограф, філолаг-славіст і гісторык, якога справядліва лічаць адным з заснавальнікаў навуковага беларусазнаўства. Ён аўтар шматтомнай фундаментальнай працы «Беларусы» (т. 1—3, 1903—1922), якая да сённяшняга дня з'яўляецца адной з найважнейшых крыніц па гісторыі і структуры беларускай мовы, фальклору і этнаграфіі.
Новае падарожжа Юрыя Жыгамонта — у вёску Лаша Гродзенскага раёна, дзе нарадзіўся бацька беларускай філалогіі ВІДЭА
Дзе на карце польскага Кракава знайсці Беларусь? Вось як звязаныя з нашай краінай месцы гэтага горада
Як назва «Беларусь» напоўнілася палітычным сэнсам
Каля Акадэміі навук адкрылі помнік сямі знакамітым беларусам
Каментары
Што аж мыслі рвуцца,
Змоўклі песні тые,
Што іграў на дудцы.
Раз яшчэ зайграю
У астатняй хвілі
Для тых, што жаль маю,
Што мяне забылі...