Дырэктарку пецярбургскай кнігарні аштрафавалі на 250 даляраў за кнігу беларускага палітвязня
Дырэктарку пецярбургскай кнігарні «Падпісныя выданні» Алену Куйбышаўскі суд аштрафаваў на 20 000 расійскіх рублёў (253 даляры) за ўдзел у дзейнасці замежнай або міжнароднай арганізацыі, у дачыненні да якой прынята рашэнне аб прызнанні яе дзейнасці непажаданай на тэрыторыі Расійскай Федэрацыі (артыкул 20.33 КаАП РФ).
Падставай стаў продаж кнігі беларускага палітвязня Ігара Аліневіча «Еду в Магадан».
Як пісалася раней, адзін чалавек набыў гэтую кнігу яшчэ 27 снежня. А паколькі выдала яе арганізацыя ABCF, прызнаная ў Расіі непажаданай, продаж кнігі кваліфікавалі як удзел у яе дзейнасці і склалі на Арлову адміністрацыйны пратакол.
Анархіст Ігар Аліневіч за кнігу, напісаную ў турме, у 2013 годзе атрымаў прэмію Францішка Аляхновіча — узнагароду за творы, напісаныя ў няволі. У 2016 годзе яго адзначылі таксама Нацыянальнай прэміяй імя Віктара Івашкевіча за адвагу ў абароне правоў чалавека.
Ігару цяпер 41 год. У 2020 годзе яго затрымалі, а пазней ён быў асуджаны на 20 гадоў пазбаўлення волі паводле некалькіх артыкулаў — за незаконныя дзеянні са зброяй, тэрарызм і кантрабанду небяспечных матэрыялаў. Пасля прысуду яго перавялі ў жорсткія ўмовы ўтрымання ў турме ў Жодзіне, дзе, паводле рэдкай інфармацыі, ён неаднаразова трапляў у штрафны ізалятар і нават у турэмны шпіталь.
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
-
Як цяпер выглядае старадаўні касцёл, на выратаванне якога дзяржава збірае ахвяраванні ФОТЫ
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары