У заапарку Тама ў Токіа ад спякоты загінулі тры львіцы. Паводле папярэдніх высноў, прычынай іх смерці сталі цеплавыя ўдары, піша The Japan News.
Як паведамляюць улады Токіа і Такійскае заалагічнае таварыства, жывёлы ва ўзросце ад 3 да 15 гадоў загінулі ў перыяд з 28 ліпеня па 2 жніўня. Ускрыццё паказала, што ўсе тры львіцы мелі моцнае абязводжванне і паліарганную недастатковасць, што сведчыць пра наступствы перагрэву арганізма.
Па стане на ліпень у заапарку ўтрымліваліся 16 львоў — пяць самцоў і адзінаццаць самак ва ўзросце ад аднаго да дваццаці гадоў. Пасля працяглай хвалі спякоты, якая пачалася ў сярэдзіне ліпеня, у дзесяці жывёл назіраліся страта апетыту і зніжэнне актыўнасці. Усім ім аказвалі ветэрынарную дапамогу.
Цяпер яшчэ трое львоў — адна самка і два самцы — застаюцца ў цяжкім стане і працягваюць лячэнне.
Апошнія тыдні Японія перажывае анамальную спякоту. З 21 ліпеня ў асобных рэгіёнах краіны пяць дзён запар тэмпература паветра перавышала 40 градусаў. За тыдзень, з 20 па 26 ліпеня, больш за 18 тысяч чалавек былі шпіталізаваныя з цеплавымі ўдарамі, а 45 чалавек памерлі ад наступстваў спёкі.
Цяпер чытаюць
Бабарыка зоймецца бізнэсам — ужо адкрыў кампанію ў Германіі20
Бабарыка зоймецца бізнэсам — ужо адкрыў кампанію ў Германіі
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары