Дыялог праходзіць пры падтрымцы ЗША.
У Каракасе пачаліся перамовы паміж часовым урадам Венесуэлы і прадстаўнікамі апазіцыі, накіраваныя на палітычны пераход і аднаўленне дэмакратычных інстытутаў у краіне.
Як піша CNN, перамовы стартавалі праз тыдзень пасля першапачаткова запланаванай даты — 1 жніўня. Дыялог праходзіць пры падтрымцы ЗША.
Урадавую дэлегацыю ўзначальвае старшыня Нацыянальнага сходу Венесуэлы Хорхе Радрыгес, брат в.а. прэзідэнта Дэлсі Радрыгес.
Апазіцыйны блок прадстаўляе былая дэпутатка Нацыянальнага сходу Дзінора Фігера. У склад дэлегацыі ўвайшлі былыя парламентарыі склікання 2015 года, якое раней прызнавалася ў ЗША легітымным.
Пры гэтым у перамовах не ўдзельнічаюць лідары апазіцыі Марыя Карына Мачада і былы кандыдат у прэзідэнты Эдмунда Гансалес Уруція. Абодва палітыкі знаходзяцца за межамі краіны і заявілі, што будуць сачыць за ходам дыялогу і спадзяюцца, што ён прывядзе да правядзення выбараў.
Чакаецца, што бакі абмяркуюць умацаванне дэмакратыі, гарантыі палітычных правоў, а таксама пытанні, звязаныя з аднаўленнем краіны пасля разбуральных землятрусаў у чэрвені.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары