У панядзелак у Беларусі прайшло цэнтралізаванае тэсціраванне (ЦТ) па прадметах па выбары. Здаваць яго маглі тыя, хто завяршыў навучанне ў школе ў папярэднія гады, а таксама выпускнікі каледжаў (не блытаць з цэнтралізаваным экзаменам).
На ЦТ зарэгістраваліся 9 188 абітурыентаў. Сёлета колькасць жадаючых здаваць ЦТ аказалася ў 1,2 раза большай, чым у 2024 годзе, паведамляе Мінадукацыі.
Праўда, у выніку з гэтага ліку 1 176 чалавек не з’явіліся пісаць тэсты (гэта 12,8%), а аднаго абітурыента выдалілі з выпрабавання за выкарыстанне мабільнага тэлефона.
Вось як выглядае тройка самых папулярных прадметаў:
- матэматыка (24,3%);
- англійская мова (22,2%);
- гісторыя Беларусі (13,4%).
ЦЭ па беларускай або рускай мове адзінаццацікласнікі напішуць у чацвер, 29 мая. У гэты ж дзень запланавана ЦТ па мовах для выпускнікоў каледжаў і мінулых гадоў.
Цяпер чытаюць
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію18
Каментары