Гродзенскі «Нёман» другі раз запар стаў уладальнікам Кубка Беларусі па футболе
У вырашальным матчы гродзенцы перамаглі з буйным лікам 3:0 жодзінскі «Тарпеда-БелАЗ».
Усе тры галы былі забітыя ў другім тайме. Спачатку на 56-й хвіліне адзначыўся Іван Садаўнічы, на 59-й поспех замацаваў Сяргей Пушнякоў, а на 80-й рысу падвёў Ягор Зубовіч.
«Нёман» заваяваў Кубак Беларусі трэці раз у гісторыі, прытым сёлетні поспех — другі запар, бо ў мінулым годзе трафей таксама дастаўся гродзенцам, якія перамаглі ў фінальным матчы з лікам 2:0 «Іслач». А першы раз яны сталі ўладальнікамі гэтага прызу у далёкім 1993 годзе, перамогшы на мінскім стадыёне «Дынама» з лікам 2:1 рэчыцкі «Ведрыч».
Акрамя ўласна гульні, сёлетні фінал запомніцца традыцыйна эксцэнтрычнымі паводзінамі галоўнага трэнера «Нёмана» 57-гадовага Ігара Кавалевіча, які ўзначальвае каманду ўжо 9 гадоў. Ён то падбіваў нагой уласную кепку, то пасля гульні агаляў свой зусім не спартыўны торс.
Дарэчы, Ігар Кавалевіч — усебеларускі рэкардсмен сярод галоўных трэнераў, якія заваёўвалі са сваімі камандамі Кубак Беларусі. Цяперашні трафей для яго ўжо чацвёрты, бо ў 2009 і 2012 гадах яму ўдалося гэта двойчы зрабіць з іншай камандай — наваполацкім «Нафтанам».
Перад матчам адзначыўся таксама нядаўна прызначаны старшыня Гродзенскага аблвыканкама Юрый Караеў, які не толькі даваў наказы «Нёману», але і сам прабіваў пенальці галкіперу Максіму Бялову. Яму нават удалося адзін раз забіць, хоць выглядае, што брамнік проста паддаўся.
Цяпер чытаюць
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х55
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х5
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары