Цэнтр беларускіх і рэгіянальных даследаванняў ЕГУ запрашае на прэзентацыю кнігі «Вільня. Анталогія беларускай паэзіі ХХ стагоддзя». У гэтым выданьні сабраныя беларускія вершы, прысвечаныя Вільні, што была «галоўным горадам для продкаў сучасных беларусаў, калыскай мадэрнай беларускай нацыі».
У кнізе больш за сто вершаў больш як 50 аўтараў. Беларускіх паэтаў, якіх аб’яднала любоў да Вільні. Гэта Янка Купала, Максім Багдановіч, Якуб Колас, Алесь Гарун, Наталля Арсеннева, Максім Танк, Уладзімір Караткевіч, Таццяна Сапач, Алег Мінкін, Віктар Шніп, Рыгор Барадулін, Алесь Разанаў, Адам Глобус ды іншыя.
Мэта Анталогіі — адлюстраваць зменлівасць горада ў часе праз эстэтычны водгук і такім чынам убачыць гісторыю Вільні, якой яна была цягам мінулага стагоддзя, — праз паэзію, і ўбачыць паэзію — праз гісторыю гораду. Гэта кніга не пра пафас, а пра любоў. І рабілася яна з любоўю. Любоўю да горада, да паэзіі і да нашага роднага слова. Cтаронкі кнігі аздобілі фатаздымкі Вільні класікаў сучаснае беларускае фатаграфіі — Уладзіміра Парфянка і Дзяніса Раманюка. Укладальнік і аўтар прадмовы — Сяргей Дубавец.
Мастацкі рэдактар выдання — выкладчык Дэпартамента гуманітарных навук і мастацтваў ЕГУ Сяргей Харэўскі.
Кніга выпушчаная выдавецтвам «Логвінаў».
22 траўня, а 17:00 зала Скарыны, 220 аўд., 2 пав. Savičiaus g. 17, Vilnius, Europos humanitarinis universitetas/Еўрапейскі гуманітарны ўніверсітэт.
Каментары