Амерыканская амбасада ў Кіеве папярэдзіла пра магчымы маштабны абстрэл Украіны
Амбасада Злучаных Штатаў Амерыкі ў Кіеве папярэдзіла пра магчымую маштабную паветраную атаку ў найбліжэйшыя дні. Пра гэта гаворыцца ў афіцыйным паведамленні амерыканскага дыппрадстаўніцтва, але не ўдакладняецца, хто будзе абстрэльваць Украіну, піша «Суспільне».
Сярод іншага амерыканскія дыпламаты адзначылі, што яны «атрымалі інфармацыю» пра верагоднасць такога ўдару на працягу наступных некалькіх дзён. У сувязі з гэтым амбасада заклікала грамадзян ЗША, якія знаходзяцца ва Украіне, быць гатовымі «неадкладна хавацца» ў сховішчы ў выпадку абвяшчэня паветранай трывогі, а таксама мець запасы ежы і вады.
Гэтае папярэджанне амерыканскага дыппрадстаўніцтва ва Украіне з'явілася на фоне заканчэння так званага «трохдзённага перамір'я», абвешчанага прэзідэнтам Расіі Уладзімірам Пуціным напярэдадні параду ў Маскве, прызначанага на 9 мая.
Напярэдадні кіраўнік Офіса прэзідэнта Украіны Андрэй Ярмак заявіў, што цяпер перамоўны працэс па заканчэнні вайны Расіі супраць Украіны знаходзіцца на «этапе вызначэння». З ягоных слоў, калі Крэмль не прыме прапанову 30-дзённага спынення агню, прапанаваную прэзідэнтам Уладзімірам Зяленскім і падтрыманую прэзідэнтам ЗША Дональдам Трампам, то на Расію пачнуць дадаткова «ціснуць».
Расія і Украіна могуць падпісаць пагадненне аб спыненні агню ў гэтыя выхадныя — Мерц
«Гучыць не так ужо шмат, але гэта вельмі шмат». Трамп выказаўся пра пуцінскае трохдзённае перамір'е
«Гэта не план міру, а тэатр». Зяленскі адхіліў прапанову Расіі пра трохдзённае перамір’е
У Вашынгтоне і Кіеве раскрытыкавалі прапанаванае Пуціным трохдзённае перамір'е
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка6
Каментары