Да пагаднення аб сацыяльных зніжках, якое дзейнічае ўжо некалькі гадоў, далучыўся яшчэ адзін буйны гулец на рынку спажывецкага рэтэйла, паведамілі ў Міністэрстве антыманапольнага рэгулявання і гандлю. Гаворка ідзе пра папулярны сэрвіс па дастаўцы прадуктаў edostavka.by.
Гандлёвая сетка «Еўраопт», якой належыць «Е-дастаўка», давала зніжкі на сацыяльна значныя тавары ад самага пачатку, як ва ўладаў у студзені 2022 годзе ўзнікла гэта ідэя — але толькі ў звычайных крамах. З 11 красавіка да праграмы далучылі і сістэму дастаўкі.
Увогуле ў арганізаванай МАРГ дысконтнай праграме ўдзельнічаюць 14 гандлёвых сетак. Зніжкі ў памеры да 10% даюцца на тавары першай неабходнасці, а карыстацца імі могуць «сацыяльна ўразлівыя катэгорыі насельніцтва»: пенсіянеры, інваліды і сем'і з трыма і больш дзецьмі. Таксама яны даюцца тым беларусам, якія адрасна атрымліваюць сацдапамогу.
Людзям, якія маюць права на сацыяльную зніжку, выдаюць спецыяльныя карткі. Цяпер у Беларусі іх актывавана каля 2,4 мільёна.
Набываць са зніжкай можна не ўсе прадукты, а толькі тыя, якія лічацца «сацыяльна значнымі таварамі першай неабходнасці», іх спіс складзены МАРГ.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА116
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары