Da pahadnieńnia ab sacyjalnych źnižkach, jakoje dziejničaje ŭžo niekalki hadoŭ, dałučyŭsia jašče adzin bujny hulec na rynku spažyvieckaha retejła, paviedamili ŭ Ministerstvie antymanapolnaha rehulavańnia i handlu. Havorka idzie pra papularny servis pa dastaŭcy praduktaŭ edostavka.by.
Handlovaja sietka «Jeŭraopt», jakoj naležyć «Je-dastaŭka», davała źnižki na sacyjalna značnyja tavary ad samaha pačatku, jak va ŭładaŭ u studzieni 2022 hodzie ŭźnikła heta ideja — ale tolki ŭ zvyčajnych kramach. Z 11 krasavika da prahramy dałučyli i sistemu dastaŭki.
Uvohule ŭ arhanizavanaj MARH dyskontnaj prahramie ŭdzielničajuć 14 handlovych sietak. Źnižki ŭ pamiery da 10% dajucca na tavary pieršaj nieabchodnaści, a karystacca imi mohuć «sacyjalna ŭraźlivyja katehoryi nasielnictva»: piensijaniery, invalidy i siemji z tryma i bolš dziećmi. Taksama jany dajucca tym biełarusam, jakija adrasna atrymlivajuć sacdapamohu.
Ludziam, jakija majuć prava na sacyjalnuju źnižku, vydajuć śpiecyjalnyja kartki. Ciapier u Biełarusi ich aktyvavana kala 2,4 miljona.
Nabyvać sa źnižkaj možna nie ŭsie pradukty, a tolki tyja, jakija ličacca «sacyjalna značnymi tavarami pieršaj nieabchodnaści», ich śpis składzieny MARH.
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary