Міністэрства ўнутраных спраў Грузіі ўнесла на разгляд парламента пакет паправак «для ўзмацнення барацьбы з незаконнай міграцыяй і ўдасканалення правіл надання міжнароднай абароны». Прапанова мае спрасціць працэс выдварэння іншаземцаў і ўскладняе атрыманне прытулку, паведамляе «Радыё Свабода».
У прыватнасці, МУС Грузіі прапануе:
-
уключыць у заканадаўства нормы аб выдварэнні замежнага грамадзяніна з Грузіі і забароне на ўезд у краіну на пэўны тэрмін;
-
павялічыць штрафы для іншаземцаў, якія парушаюць правілы знаходжання на тэрыторыі краіны;
-
істотна спрасціць працэдуру выдварэння іншаземцаў, якія незаконна знаходзяцца ў Грузіі.
Акрамя таго, для «папярэджання злоўжывання працэдурай надання прытулку» ўводзіцца паскораная працэдура разгляду хадайніцтваў аб прытулку для замежнікаў, якія не падалі заяву цягам месяца з моманту ўезду ў краіну.
Таксама ўводзіцца новы механізм, згодна з якім пытанне надання прытулку будуць разглядаць на мяжы Грузіі без допуску іншаземца на яе тэрыторыю, калі ягоны ўезд уяўляе пагрозу дзяржаўнай бяспецы.
Папраўкі таксама прадугледжваюць скарачэнне тэрмінаў разгляду і апеляцыі хадайніцтваў аб наданні прытулку, а таксама абмежаванне выдачы дазволу на жыхарства іншаземцу, пытанне аб выдварэнні якога разглядаецца або ўжо прынята рашэнне аб яго выдварэнні з Грузіі, гаворыцца ў заяве МУС.
Змены ўносяцца таксама ў Крымінальны кодэкс і Кодэкс аб адміністрацыйных правапарушэннях. У МУС Грузіі сцвярджаюць, што названы пакет законапраектаў падрыхтаваны ў адпаведнасці з дырэктывамі Еўрасаюза.
МУС Грузіі, якое адказвае за памежны кантроль, не публікуе статыстыку пра тое, колькім людзям і з якіх краін было адмоўлена ва ўездзе ў Грузію. Паводле афіцыйных звестак, толькі ў сакавіку 2025 года з краіны выдварылі 97 замежных грамадзян, сярод якіх былі і грамадзяне Беларусі.
Згодна з грузінскім заканадаўствам, грамадзяне Беларусі могуць знаходзіцца на тэрыторыі Грузіі на працягу года.
У пачатку 2025 года ў Грузіі пражывала прыкладна 12 тысяч грамадзян Беларусі.
У 2019—2024 гадах Грузія не задаволіла ніводнага хадайніцтва грамадзян Беларусі аб наданні прытулку.
Праўда, 26 сакавіка 2025 года суд у Тбілісі адмяніў рашэнне міграцыйнага дэпартамента Грузіі аб адмове ў прытулку беларускім праваабаронцу Раману Кісляку. Цяпер прашэнне аб наданні прытулку павінны перагледзець.
Суд у Тбілісі адмяніў рашэнне Дэпартаменту міграцыі Грузіі аб адмове ў прытулку праваабаронцу Раману Кісляку
«Быццам на іншай планеце». Як беларусы з'язджаюць у эміграцыю ў непапулярныя краіны
«У Грузіі няма зацэментаванай аўтарытарнай дзяржавы з жорсткай вертыкаллю». Беларус расказаў, у чым спецыфіка грузінскіх пратэстаў
За пяць гадоў абароны ў Грузіі папрасіла больш за 70 беларусаў, тром дзясяткам ужо адмовілі
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
Но в итоге не поехали, потому что наслышаны, как непросто там жить иностранцам из-за политики властей, а вон они, получается, ещё и дополнительно усложнили.