Пасля ўдару па Сумах 13-гадовы хлопец выбраўся з палаючага аўтобуса і дапамог ратаваць іншых
Кірыл атрымаў раненні — тры асколкі трапілі ў галаву.
У Сумах 13-гадовы Кірыл Ільяшэнка выбраўся з палаючага аўтобуса пасля расійскага ракетнага ўдару і дапамог іншым уратавацца, піша «Украінская праўда».
Пасля варожага ўдару раніцай 13 красавіка ў Сумах загарэўся аўтобус. Унутры быў і 13-гадовы Кірыл Ільяшэнка з маці. Дзверы былі заблакаваныя.
Хлопец праз разбітае акно выбраўся з ахопленага агнём транспарту і дапамог уратавацца іншым пасажырам, якія яшчэ былі жывыя.
Як распавёў в.а. гарадскога галавы Сумаў Арцём Кабзар, Кірыл атрымаў раненні — тры асколкі трапілі ў галаву. Адзін з іх медыкам ужо ўдалося дастаць. Зараз хлопец знаходзіцца пад наглядам лекараў.
Як распавяла маці хлопчыка Марына, Кірыла яшчэ будуць абследаваць медыкі. У жанчыны твар пасечаны шклом, пагрозы здароўю няма, яе адпусцілі дадому.
Кірыл вучыцца ў 8 класе Сумскай школы №4, а таксама ён выхаванец ДЮСШ «Факел», дзе займаецца вольнай барацьбой.
У выніку атакі большасць пасажыраў аўтобуса і вадзіцель загінулі. Як паведамляе Сумская СШ №4, калі адбыўся выбух, дзверы аўтобуса былі заблакаваныя. Шмат людзей загінула і атрымала раненні адразу.
Кірыл, нягледзячы на асколкавыя раненні галавы, сваім ударам разбіў шкло, выскачыў і разблакаваў уваходныя дзверы, уратаваўшы людзей, што знаходзіліся побач.
Учора раніцаю 13 красавіка расіяне нанеслі два балістычныя ўдары па цэнтры Сум.
Вядома пра 34 загінулых, сярод якіх двое дзяцей, пацярпела 117 чалавек, з якіх 15 — дзеці.
-
Расія нанесла беспрэцэдэнтны ўдар па Украіне: 90 ракет і 600 дронаў, па Белай Царкве ўдарылі балістычным «Арэшнікам»
-
Расіяне масіравана атакавалі Кіеў і вобласць, у тым ліку «Арэшнікам» і дзясяткамі ракет
-
Хто загінуў у інтэрнаце ў Луганскай вобласці, куды прыляцела ўкраінская ракета? Ужо названыя імёны 18 ахвяр
Цяпер чытаюць
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць4949
Каментары