Беларуска стала ў Іспаніі буктокеркай і напісала раман пра «Формулу-1»
Беларуска Ірына Зубкова, якая жыве ў Іспаніі і стала ў гэтай краіне папулярнай кніжнай блогеркай на платформе TikTok, цяпер і сама перайшла ў разрад пісьменніц, выдаўшы днямі свой першы раман, піша выданне «Беларусь и мир».
Кніга нашай 24-гадовай суайчынніцы пад назвай Acelerando en Rojo, што можна перавесці на беларускую як «Паскараючыся на чырвоны», выйшла ў свет 9 красавіка 2025 года пад брэндам Crossbooks, які належы буйной выдавецкай групе Grupo Planeta.
Раман у жанры фікшн арыентаваны на падлеткава-юнацкую аўдыторыю і сумяшчае тэмы кахання і спорту. Ён апісвае рамантычныя ўзаемаадносіны зорнага пілота гонак «Формула-1» Ашэра Вегі і яго прадстаўніка па сувязях з грамадскасцю К'яры Ру.
Па словах Ірыны, спачатку гісторыя стваралася ў антуражы чэмпіянату свету па матагонках MotoGP, бо ў яе сям'і сачылі менавіта за гэтым відам спорту. Але ідэя затым перайначылася з-за захаплення свёкра «Формулай» і пілотам Фернанда Алонса.
У даволі аб'ёмнай кнізе налічваецца 568 старонак, яна аформленая супервокладкай з чырвоным металічным цісненнем, на ўнутраным боку якой намаляваная сцэна, якая ілюструе адзін з эпізодаў апавядання.
Ірына Зубкова нарадзілася ў 2001 годзе ў Беларусі, але ўжо каля 12 гадоў жыве ў Іспаніі. Дзяўчына стала вядомая тут як аўтарка кантэнту ў сацсетках, прысвечанага кнігам: яна аглядае навінкі і дзеліцца ўражаннямі ад прачытанага.
Наша суайчынніца паступова ператварылася ў вельмі папулярнага інтэрнэт-інфлюэнсера ў краіне ў гэтай сферы. Напрыклад, за яе пастамі ў тыктоку сочаць больш за 1,9 мільёна чалавек. Паспяховая яна таксама ў інстаграме.
Ролікі пра кнігі беларуска перамешвае з відэа фармату lifestyle, дзе расказвае пра сваё жыццё, падарожжы, адзенне, ежу, музыку, спорт і гэтак далей. Так, шэраг пастоў прысвечаны розніцы беларускага і іспанскага менталітэтаў.
Шлях да таго, каб стаць паспяховай буктокеркай (ад BookTok — так называюць сегмент тыктока, прысвечаны літаратуры), пачаўся з захаплення чытаннем тэкстаў аўтараў-пачаткоўцаў у супольнасці Wattpad. Затым услед пайшлі гады працы па тэме ў сацсетках.
У 2023 годзе Зубкова таксама выдала ў Crossbooks сваю самую першую работу c назвай Cuaderno de lecturas («Чытацкі дзённік»). Уласна кажучы, гэта і ёсць дзённік для запісу кароткай інфармацыі пра прачытаныя кнігі, які суправаджаецца яшчэ парадамі ад Ірыны.
«Нічога не здарыцца з маімі дзецьмі, калі яны не прачытаюць Барто, Маршака, Чукоўскага». Гутарка са стваральніцай блогу «Кніжныя размовы»
«У беларускай кніжнай прасторы час быццам запаволіўся». Зося Лугавая расказала пра тэндэнцыі ў літаратуры
Нам трэба лідар-атаман? Гісторык Цімох Акудовіч — пра стратэгію выжывання беларусаў і што рабіць з Расіяй
«Трэба напрацоўваць супольны культурны багаж з суседзямі нават у гэтыя суперцяжкія часы». Гісторык расказаў пра кнігу, якая зрабіла фурор у Літве
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні5
Каментары