Biełaruska stała ŭ Ispanii buktokierkaj i napisała raman pra «Formułu-1»
Biełaruska Iryna Zubkova, jakaja žyvie ŭ Ispanii i stała ŭ hetaj krainie papularnaj knižnaj błohierkaj na płatformie TikTok, ciapier i sama pierajšła ŭ razrad piśmieńnic, vydaŭšy dniami svoj pieršy raman, piša vydańnie «Biełaruś i mir».
Kniha našaj 24-hadovaj suajčyńnicy pad nazvaj Acelerando en Rojo, što možna pieravieści na biełaruskuju jak «Paskarajučysia na čyrvony», vyjšła ŭ śviet 9 krasavika 2025 hoda pad brendam Crossbooks, jaki naležy bujnoj vydavieckaj hrupie Grupo Planeta.
Raman u žanry fikšn aryjentavany na padletkava-junackuju aŭdytoryju i sumiaščaje temy kachańnia i sportu. Jon apisvaje ramantyčnyja ŭzajemaadnosiny zornaha piłota honak «Formuła-1» Ašera Viehi i jaho pradstaŭnika pa suviaziach z hramadskaściu Kjary Ru.
Pa słovach Iryny, spačatku historyja stvarałasia ŭ anturažy čempijanatu śvietu pa matahonkach MotoGP, bo ŭ jaje siamji sačyli mienavita za hetym vidam sportu. Ale ideja zatym pierajnačyłasia z-za zachapleńnia śviokra «Formułaj» i piłotam Fiernanda Ałonsa.
U davoli abjomnaj knizie naličvajecca 568 staronak, jana aformlenaja supiervokładkaj z čyrvonym mietaličnym ciśnieńniem, na ŭnutranym boku jakoj namalavanaja scena, jakaja ilustruje adzin z epizodaŭ apaviadańnia.
Iryna Zubkova naradziłasia ŭ 2001 hodzie ŭ Biełarusi, ale ŭžo kala 12 hadoŭ žyvie ŭ Ispanii. Dziaŭčyna stała viadomaja tut jak aŭtarka kantentu ŭ sacsietkach, pryśviečanaha kniham: jana ahladaje navinki i dzielicca ŭražańniami ad pračytanaha.
Naša suajčyńnica pastupova pieratvaryłasia ŭ vielmi papularnaha internet-influensiera ŭ krainie ŭ hetaj śfiery. Naprykład, za jaje pastami ŭ tyktoku sočać bolš za 1,9 miljona čałaviek. Paśpiachovaja jana taksama ŭ instahramie.
Roliki pra knihi biełaruska pieramiešvaje ź videa farmatu lifestyle, dzie raskazvaje pra svajo žyćcio, padarožžy, adzieńnie, ježu, muzyku, sport i hetak dalej. Tak, šerah pastoŭ pryśviečany roźnicy biełaruskaha i ispanskaha mientalitetaŭ.
Šlach da taho, kab stać paśpiachovaj buktokierkaj (ad BookTok — tak nazyvajuć siehmient tyktoka, pryśviečany litaratury), pačaŭsia z zachapleńnia čytańniem tekstaŭ aŭtaraŭ-pačatkoŭcaŭ u supolnaści Wattpad. Zatym uśled pajšli hady pracy pa temie ŭ sacsietkach.
U 2023 hodzie Zubkova taksama vydała ŭ Crossbooks svaju samuju pieršuju rabotu c nazvaj Cuaderno de lecturas («Čytacki dziońnik»). Ułasna kažučy, heta i jość dziońnik dla zapisu karotkaj infarmacyi pra pračytanyja knihi, jaki supravadžajecca jašče paradami ad Iryny.
«Ničoha nie zdarycca z maimi dziećmi, kali jany nie pračytajuć Barto, Maršaka, Čukoŭskaha». Hutarka sa stvaralnicaj błohu «Knižnyja razmovy»
«U biełaruskaj knižnaj prastory čas byccam zapavoliŭsia». Zosia Łuhavaja raskazała pra tendencyi ŭ litaratury
Nam treba lidar-ataman? Historyk Cimoch Akudovič — pra stratehiju vyžyvańnia biełarusaŭ i što rabić z Rasijaj
«Treba napracoŭvać supolny kulturny bahaž z susiedziami navat u hetyja supierciažkija časy». Historyk raskazaŭ pra knihu, jakaja zrabiła furor u Litvie
Ciapier čytajuć
Stała viadoma, dzie pracuje favarytka Łukašenki Uładlena Zajcava7
Kamientary