У Беларусі могуць узнікнуць праблемы з пастаўкамі лімонаў. Усё з-за рашэння ўрада Турцыі, прынятага 8 красавіка. Справа ў тым, што гэтая краіна, якая з'яўляецца асноўным пастаўшчыком у Беларусь і РФ, часова забараніла экспарт кіслай садавіны. Прычынай стаў неўраджай з-за замаразкаў і снегападу.
Беларускія пастаўшчыкі пераключыліся на тавары з Егіпта і Іспаніі, аднак і там сітуацыя з фруктам не лепшая, піша «Точка».
«Напрыклад, у рэгіёнах Іспаніі, дзе растуць лімоны, ішлі багатыя ападкі, а Егіпет сутыкнуўся з цяжкасцямі наяўнасці месцаў на суднах, марскія лініі не прымалі броні на пагрузку і не давалі кантэйнеры. Усё гэта прывяло да моцнага росту адпускных цэн у вытворцаў. Цэны выраслі ў два разы», — распавяла крыніца ў рытэйле, знаёмая з сітуацыяй на рынку.
Крамы робяць усё магчымае, каб захаваць асартымент на паліцах. Як падкрэслівае прадстаўнік галіны, егіпецкія пастаўшчыкі плануюць аднавіць адгрузкі зусім хутка.
Акрамя таго, замясціць турэцкія лімоны на паліцах беларускіх магазінаў разлічваюць пастаўкамі з Іспаніі і Кітая.
Не выключана, што дэфіцыт некаторы час будзе, бо на перабудову лагістычных ланцужкоў спатрэбіцца час.
«Цэны на лімоны вырастуць, пры гэтым дадзеная пазіцыя будзе прысутнічаць у продажы», — адзначае крыніца.
З іншага боку, хутка будзе гатовы ўраджай у краінах, дзе надвор'е выдалася больш спрыяльным.
«З канца траўня ўжо пачнуцца масавыя паступленні цытрыны з краін Паўднёвага паўшар'я (ПАР, Аргенціна)», — распавяла крыніца.
Аднак цэны на гэты фрукт сапраўды прыскокнуць праз дэфіцыт, але пакуль не вядома, як моцна.
Цяпер чытаюць
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла3
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4040
Каментары
Апельсины светло-жёлтые размером с куриное яйцо, а мандарины с перепелиное.
Лимоны из ЮАР по опыту прошлого года будут в разы дороже, как апельсины, цена которых тогда подскочила в два раза и доходила до 12 руб. за килограмм.