U Biełarusi mohuć uźniknuć prablemy z pastaŭkami limonaŭ. Usio z-za rašeńnia ŭrada Turcyi, pryniataha 8 krasavika. Sprava ŭ tym, što hetaja kraina, jakaja źjaŭlajecca asnoŭnym pastaŭščykom u Biełaruś i RF, časova zabaraniła ekspart kisłaj sadaviny. Pryčynaj staŭ nieŭradžaj z-za zamarazkaŭ i śniehapadu.
Biełaruskija pastaŭščyki pieraklučylisia na tavary ź Jehipta i Ispanii, adnak i tam situacyja z fruktam nie lepšaja, piša «Točka».
«Naprykład, u rehijonach Ispanii, dzie rastuć limony, išli bahatyja apadki, a Jehipiet sutyknuŭsia ź ciažkaściami najaŭnaści miescaŭ na sudnach, marskija linii nie prymali broni na pahruzku i nie davali kantejniery. Usio heta pryviało da mocnaha rostu adpusknych cen u vytvorcaŭ. Ceny vyraśli ŭ dva razy», — raspaviała krynica ŭ rytejle, znajomaja ź situacyjaj na rynku.
Kramy robiać usio mahčymaje, kab zachavać asartymient na palicach. Jak padkreślivaje pradstaŭnik haliny, jehipieckija pastaŭščyki płanujuć adnavić adhruzki zusim chutka.
Akramia taho, zamiaścić tureckija limony na palicach biełaruskich mahazinaŭ raźličvajuć pastaŭkami ź Ispanii i Kitaja.
Nie vyklučana, što deficyt niekatory čas budzie, bo na pierabudovu łahistyčnych łancužkoŭ spatrebicca čas.
«Ceny na limony vyrastuć, pry hetym dadzienaja pazicyja budzie prysutničać u prodažy», — adznačaje krynica.
Ź inšaha boku, chutka budzie hatovy ŭradžaj u krainach, dzie nadvorje vydałasia bolš spryjalnym.
«Z kanca traŭnia ŭžo pačnucca masavyja pastupleńni cytryny z krain Paŭdniovaha paŭšarja (PAR, Arhiencina)», — raspaviała krynica.
Adnak ceny na hety frukt sapraŭdy pryskoknuć praz deficyt, ale pakul nie viadoma, jak mocna.
Kamientary
Apielsiny śvietło-žiołtyje raźmierom s kurinoje jajco, a mandariny s pieriepielinoje.
Limony iz JUAR po opytu prošłoho hoda budut v razy dorožie, kak apielsiny, ciena kotorych tohda podskočiła v dva raza i dochodiła do 12 rub. za kiłohramm.