Turcyja z 8 krasavika časova spyniaje ekspart limonaŭ z-za niespryjalnych umoŭ nadvorja ŭ rajonach zboru ŭradžaju, piša RBK.
Pavodle infarmacyi tureckaha Minhandlu, niadaŭnija zamarazki zakranuli mižziemnamorskija pravincyi Adana, Miersin i Chataj.
Prypynieńnie pastavak była ŭzhodniena ź Ministerstvam sielskaj i lasnoj haspadarki, a ŭ vypadku nieabchodnaści mohuć być uviedzienyja i dadatkovyja miery. Rašeńnie nakiravana na abaronu ŭnutranaha popytu i zabieśpiačeńnie charčovaj biaśpieki ŭ krainie.
Pavodle danych Asacyjacyi eksparcioraŭ Mižziemnamorja, u 2024 hodzie Turcyja ekspartavała 1,639 miljona ton cytrusavych, što pryniesła krainie $1,046 miljarda prybytku.
Hałoŭny pakupnik tureckich limonaŭ — Rasija, jakaja ŭ minułym hodzie nabyła ich na $375 miljonaŭ dalaraŭ. Za joj iduć Irak ($197 młn), Ukraina ($108 młn), Rumynija ($49 młn) i Polšča ($48 młn).
Prypynieńnie ekspartu limonaŭ, vierahodna, zakranie i biełaruskija kramy. Jak vyśvietliŭ Office Life, u bujnych handlovych sietkach pradstaŭlenyja limony ŭ tym liku z Turcyi. Pry hetym bujnyja dastaŭki ŭvohule prapanujuć zamović zamiest limonaŭ łajm.
Ciapier čytajuć
«My kidali kamiani, kab jany nie ŭźlatali». Adnym z tych, chto sprabavaŭ spynić drony, što vylatali z fur, byŭ biełarus Anton37
Kamientary