Cytrusavyja — kaštoŭnaja krynica vitaminaŭ i karysnych rečyvaŭ, asabliva zimoj. U čas śviataŭ my časta ciahniemsia da ich. Mnohija ličyli, što myć ich pierad užyvańniem nie treba, bo skurku my nie jamo.
Cytrusavyja — apielsiny, mandaryny, limony ci hrejpfruty — uzimku karystajucca vialikaj papularnaściu. U hety pieryjad, kali ryzyka zachvorvańniaŭ asabliva vysokaja, naš arhanizm patrabuje vitaminaŭ, na jakija jany bahatyja. Biez hetych aranžavych pładoŭ nie abychodziacca i zimovyja śviaty. Tym nie mienš my redka myjem ich pierad užyvańniem, bo ličym, što kali skurka nie ŭžyvajecca ŭ ježu, to heta rabić nieabaviazkova. Ale voś što treba viedać.
Kali ab karyści cytrusavych napisana šmat, to pra toje, jak ich rychtujuć da transpartavańnia i zachoŭvańnia padčas jaho, zvyčajna nie zhadvajuć. A takaja infarmacyja prymušaje nas z bolšaj uvahaj adnosicca da hetych pładoŭ.
Dla taho, kab praciahnuć žyćcio cytrusavym i zachavać pryvabny vyhlad, pierad transparciroŭkaj ich apracoŭvajuć śpiecyjalnymi chimičnymi kansiervantami. Jany praduchilajuć raspaŭsiudžańnie ćvili i hrybkoŭ, ale adnačasova mohuć nanieści škodu našamu zdaroŭju.
Siarod takich rečyvaŭ śpiecyjalisty nazyvajuć imazalił. Hety funhicyd, jaki ŭjaŭlaje saboju maślanistuju vadkaść, što słaba rastvarajecca ŭ vadzie. Jon patencyjna niebiaśpiečny dla endakrynnaj sistemy, a ŭ vialikich dozach moža być kancerahiennym.
Razdražnieńnie skury i ślizistych abałonak, a taksama alerhičnyja reakcyi moža vyklikać tyjabiendazoł, jaki taksama vykarystoŭvajecca dla praduchileńnia hnijeńnia i zachoŭvańnia śviežaści limonaŭ, apielsinaŭ, mandarynaŭ i hrejpfrutaŭ.
Ortafieniłfienoł, jaki vykarystoŭvajecca nie tolki dla apracoŭki niepasredna pładoŭ, ale i dezynfiekcyi kantejnieraŭ abo ŭpakovačnych materyjałaŭ, moža vyklikać alerhičnyja reakcyi.
Usie hetyja rečyvy lohka traplajuć na ruki, posud abo navat niepasredna ŭ arhanizm. Jany taksama ŭskładniajuć myćcio pładoŭ, pakolki ŭtvarajuć vodaniepranikalnuju plonku na ich pavierchni.
Kab pazbavić sadavinu ad škodnych rečyvaŭ, varta myć ich nie prosta vadoju, a ačyščalnym rastvoram: źmiašać adnu častku vocatu z tryma častkami vady abo rastvaryć stałovuju łyžku sody ŭ litry ciopłaj vady. Zamačyŭšy płady na dziesiać chvilin, ich nieabchodna staranna pramyć pad pratočnaj vadoj, a paśla akuratna asušyć ručnikom abo survetkaj, kab jany stali nie tolki čystymi, ale i hatovymi da ŭžyvańnia.
Pryčym, jak zaŭvažajuć śpiecyjalisty, navat bolš darahija cytrusavyja, jakija prezientujucca jak arhaničnyja, patrabujuć myćcia. Heta dapamoža źnizić ryzyku ŭździejańnia škodnych rečyvaŭ, jakija mohuć utrymlivacca na ich pavierchni, i zabiaśpiečyć biaśpiečnaje ŭžyvańnie ŭ ježu.
Hałyhina prymusili apraŭdvacca za zvarot da siłavikoŭ u 2020-m14
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary