Voś niekalki karysnych nazirańniaŭ.
Pieršaje praviła takoje: bolš kruhłyja mandaryny saładziejšyja za bolš płoskija sarty.
Tamu hladzicie na formu: lepš brać kruhłavatyja sarty.
Pa-druhoje, hladzicie koler. Vybirajcie mandaryny z łupinaj nasyčanaha aranžavaha koleru.
Blednyja, žoŭtyja, zielenavatyja płady naŭrad ci buduć smačnymi.
Pa-treciaje, śpiełyja płady majuć vyrazny pach.
Dobry mandaryn pavinien pachnuć mandarynam.
Pa-čaćviortaje, uzvažcie mandaryn u ruce.
Kali jon ciažkavaty, heta dobry znak, bo ŭ takim mandarynie šmat soku. Lohkija płady, peŭna, nie nastolki śviežyja i častkova ŭžo vysachli.
Aścierahajciesia taksama zanadta ćviordych mandarynaŭ.
Lepš kuplać mandaryny na vahu, a nie fasavanyja, bo ŭ takim vypadku vy zmožacie ŭvažliva razhledzieć kožny płod. Siarod fasavanaj sadaviny časta možna sustreć paškodžanyja i ćviłyja płady.
I jašče adzin napamin: pierad tym jak jeści mandaryny, pažadana ich myć. Bo, choć my ich i łupim, ź niamytych pładoŭ na ruki nam mohuć pierajści funhicydy i chimija, što vykarystoŭvalisia padčas transpartavańnia sadaviny.
Čytajcie taksama:
Jak zrabić kisłyja mandaryny sałodkimi — łajfchak
Kolki možna źjeści mandarynak, kab nie stała kiepska
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary
tak ona ž miertva
na sam om diele
imiejetsia odna mumija mandarinki
jeśli čto u mienia
pochožaja na tykvu
mumificirovałaś, jeśli čto, sama
nikto jeje nie prosił