Zima — para mandarynaŭ. Hetaja sadavina stała simvałam navahodnich śviataŭ. Ich z zadavalnieńniem spažyvajuć jak dzieci, tak i darosłyja. Ale mała chto viedaje pra karyść łupiny mandarynaŭ. Raskazvajem, čamu nie varta vykidać jaje adrazu.
Jak adznačajuć navukoŭcy, u łupinie mandarynaŭ našmat bolej vitaminaŭ S, A, Je, čym u miakaci. Jana nasyčanaja efirnymi alejami, piekcinam, kalijem i fosfaram. Najbolš raspaŭsiudžany sposab vykarystańnia łupiny — jaje vysušvańnie dla nastupnaha pryhatavańnia advaraŭ, dadavańnia ŭ čaj ci ŭ vypiečku.
Łupina mandaryna dapamoža pry zakładzienaści nosu. Treba źmiaścić łupiny ad dvuch-troch mandarynaŭ u misku z kipiačaj vadoju, dać paru chvilin nastajacca, a zatym na praciahu dziesiaci chvilin udychać paru pa čarzie kožnaj nazdrynoj.
Advar z vysušanych łupin mandarynu dapamoža pry branchicie. Dla hetaha treba try stałovyja łyžki łupin zalić dźviuma šklankami vielmi haračaj vady i dać paru hadzin nastajacca. Zatym atrymany nastoj pracedžvajuć, dadajuć trochi miodu i na praciahu dnia vypivajuć.
Łupina mandarynu pavyšaje imunitet, palapšaje apietyt i stravavańnie. Dla hetaha dastatkova dadavać zdroblenuju suchuju łupinu ŭ sałaty, kašy, tvaroh dy inšyja pradukty.
Ale akramia hetaha, łupina mandarynaŭ moža być karysnaja i ŭ inšym. My prapanujem vam pacierci joj nohi.
Dziakujučy svaim antybakteryjalnym ułaścivaściam łupina mandarynaŭ dapamoža ŭ zmahańni ź mikozam i pieraduchilić recydyvy zachvorvańnia. Jana pasadziejničaje źmianšeńniu patlivaści noh i stanoŭča paŭpłyvaje na stan skury, asabliva na piatkach, dzie jana zvyčajna suchaja i ćviordaja dy časami łopajecca. Nacirańnie takich miescaŭ łupinaj mandarynaŭ akaža pažyŭny i rassłablalny efiekt.
Dla dasiahnieńnia najlepšych vynikaŭ nacirajcie nohi łupinaj ad mandarynaŭ dva razy na dzień na praciahu tydnia. Kali zaŭvažycie palapšeńni, paŭtarajcie hetuju praceduru 2—4 razy na tydzień.
Nacirańnie inšych učastkaŭ skury łupinaj mandaryna palepšyć jaje koler, aśviažyć i tanizuje. Efirnyja alei dapamohuć pry tłustaj i kambinavanaj skury dy vysypańniach.
Adnak treba pamiatać, što ŭ ludziej, u jakich alerhija na cytrusavyja, alerhiju buduć vyklikać i łupiny.
Čytajcie jašče:
Nie vykidvajcie łupinu hrejpfruta — jana jašče moža być karysnaj
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary
i pročich na -ich -ych
effiekt vas ździvić