Швейцарскі тэлеканал RTS атрымаў доступ да спісу спрэчных спраў, якія Дзяржсакратарыят па эканоміцы Швейцарыі (Seco) разглядаў у апошнія два гады і якія тычацца санкцый супраць Беларусі і Расіі, піша Deutsche Welle.
Швейцарыя далучылася да санкцый Еўрасаюза ў сакавіку 2022 года. У санкцыйны спіс трапілі прадметы раскошы і прадукцыя, патэнцыйна прыдатная для вайсковага прымянення. Але забарона таксама тычыцца і імпарту.
Так, мытны пункт у Жэневе прадухіліў спробу незаконнага ўвозу саўны, якая прыбыла з Беларусі ў разабраным выглядзе. Імпарцёр атрымаў штраф у 1000 швейцарскіх франкаў, а сама саўна была знішчаная.
Усяго з лістапада 2022 года па верасень 2024 года Seco было разгледжана 54 справы, звязанага з санкцыямі, 21 з іх завяршыліся абвінаваўчымі прысудамі, перадае RTS.
Мсціслаў Мекта: яшчэ адзін рэцыдывіст рвецца ва ўладу, прыкінуўшыся спецназаўцам-ябацькам15
Каментары